عبدالله صلال العساف
07-19-2018, 02:12 AM
الله عليك ,,
كلي امتنان يالسمي الغالي
على هذا الاطراء الجميل
نورة القحطاني
07-19-2018, 05:53 AM
قد طاح
من عيني كثير
و لا رجع منهم أحد !
صالح العرجان
07-19-2018, 01:03 PM
.
قالت لي: احساسك سما قلت: اكفخي ثم حلّقي
فوق النجوم اللــي عشـــانك بالسهــر عدّيــتها
.
قالت: اخاف من البحر جاوبتها مــا تغــرقي
ما دامــك الحوريّــه اللــي خافقي عفريـــتها
عبدالله صلال العساف
07-19-2018, 03:18 PM
انا عافوني احبابي واواعد خطوتي بإرجوع
مثل طير ن يدوّرله ملاذ...... بكف صيّاده
عبدالله صلال العساف
نوف سعود
07-19-2018, 05:54 PM
:
توكل روح في حالك ترا من شيمتي لا اقفيت
محب اعاتب المقفي على حاجات واذكرها
تظن الدنيا بتوقف على حبك ليا قفيت
تطمن ما انت بالاول بها الدنيا واخرها
انا مانيب مترجي حبيبً يبتعد لاجيت
ابي منهو يسابقني على الفرحه يدورها
حسافه حب عيشته على اوهامك ليا زليت
اكابر وادمح الزله واقول الله مصغرها
حسبت الناس تشبهلي ولكني انا اخطيت
موكل الناس في طيبي ليامن جيت اصورها
عطيتك صادق احساسي بنيت بداخلي لك بيت
ومهما تخطي بحقي اسامح يوم ابررها
انا الغلطان في حقي انا الي للاسف حبيت
وسلمتك انا نفسً عزيزه صعب تكسرها
ولاهو ذنبي يومنك تشك بحبناما اوفيت
تظن الناس تشبهلك لياحبيت تخسرها
ورب البيت لوتمشي بها الدنيا ولو ظليت
ماتلقئ شخص في طيبي نصيحه اليوم تقصرها
لاني لو ابنظرلك واسوي مثلما سويت
ابكره نفسي لاجل اني بسوي شي يقهرها
لـ خلف الغريقان
نورة القحطاني
07-20-2018, 02:47 AM
هاتك وفا ليلي غدى من حروفه
آخر تفاصيل الالم صمت وجراح
فيه ابتدى نبض الامل لو تشوفه
ذكرى على قلبٍ له الشوق نزّاح !
.
خسارة
مالنا في نبع هالماضي قراح !
صالح العرجان
07-20-2018, 02:49 AM
.
مدري متى يـا عين ودك تنامين
نامت عيـون الناس والليـل قفى
عُمر السهر ما لم شمل المحبين
نامي وشوق القلـب كفى ووفى
;
اليا حضر يغني عن الكل وينوُب
و إن غاب .. ما كلٍ يسد بمحله
.،