غن / لا ضاقت عليك الوسيعه / غن

[يزيد الماضي]

هنيئاً لكم الألفية:)

[نواف التركي]

http://www.6rbtop.com/library/resources/S3don_jaber/Collection/listen/9920_hi.ram

[محمد مهاوش الظفيري]

بعض الغلا يقضي على ضيقة البال
ـــــــــــــــــــــ وبعض الغلا يقضي عليه التغلي


للشاعر سعد الهلولي الجهني


الراوي / سالم الجهني

[نور]

ربيع العمر ناولني سنابل عمري اللـي راح

أبرحل خلف ذاك الليل ذاك النايم الصاحـي


ربيع العمر باحساسي سنا برق التجافي لاح

إذا ودك معي ترحل تعال احملـك بجراحـي


بكا ورد الهوى الجوري بكف الشايب الفلاح

جفاف الأرض والغيمه عبث براقهـا لاحـي


على ذاك الطريق اذكر شعلت بظلمته مصباح

ربيع العمر من أطفا بذاك الـدرب مصباحـي


ألا ياجرحي الوافي متى من ضيقتي برتـاح

متى باضمدك جرح سرق قدامـي افراحـي


تبسم حلمي الشايب بوجه البحـر والمـلاح

غرق أمس المسا حلمي ولكن مات ملاحـي


هربت امن الزمان اللي ذبحني رمحه الذباح

هربت ومن ردا حظي زبنت بوجـه ذباحـي






" الشاعر : جاسم بن همام "



نور..

[خديجة إبراهيم]

ياوجع جرح قصدني صوب احساسي وصابه = هد حيلي وانبرى ينقش بأوصــــالي نــــدوب
ياألم ماذقت زيه مر في طعمه غرابه = غصب انا عني شربته (كم شرب مر مغلوب)
يلعنه صدق الحروف ان كان به جرح المهابه = يلعنه عقل عجز يستانس بغي القلوب
يلعنك ياقلبي اللي شايل ذنب اغترابه =كل مااطلب منك توبه تتبع الذنب بذنوب
عيبك انك ماعرفت اتجارى اطباع الذئابه =عايش ترجي كمالك في زمن كله عيوب
ماعرفت تقول عادي تطعن العمر فشبابه =تحرق ازهارك وتمسي في هوى غيك لعوب
ياخبل ..ياقلب خبله..والمهابيل انتشابه = زيف احساسك وبدل صادق الطبع ابكذوب
جامل وغيب ضميرك وغني وارقص في غيابه =لطخ اقدامك بدمه وامشي تلقفك الدروب
لا يهمك باكر اللي لاجا ماسرك حسابه =كل ذنب وان نسيته تب تلاقيه امحسوب
باكر اللي (مب كفو) يتحمل امثالك عذابه =لا يهمك ..لا يهمك (بكره) ياقلبي نتوب!!!
.
.

عاشقة الشعر

[صالح الشاطري]

تدري وش اللي يرفع الظغط بالحيـل=إنك تحب إنسان معـدوم الأحسـاس
وتدري وش اللي يجعلك تسهر الليل=إنك تشوف الناس تضحك على الناس

[عادل الرديعان]

...
..
...
..
..
.

بشطح مع الحزن وأستعذب بقايا الليل

,,,,,,,,,,,,,,,,,,,,,,,,,,,,,,, عشان أرتب شعور ٍ يخنق أنفاسى



...
..
,
,
عادل الرديعان

[عادل الرديعان]

...
..
...
..
.


من رحت عني بس أقلّب هداياك


,,,,,,,,,,,,,,,,,,,,,,,,وأفتح شبابيك الألم في مغيبك


...
..
,
,
عادل الرديعان