غن / لا ضاقت عليك الوسيعه / غن

[العـنود ناصر بن حميد]

.
.

وما كل شخص ٍ .. لاقراني .. قراني

ولا كل حلم ٍ مرني ..... أطلب رضاه

***

ولاجيت ادور للحقيقه ... معاني

جيت اكتم بصمتي ... سخافات الافواه

" بركات الشمري "

[عبدالله ثويني المانع]

..



أعــوام ولـّــــت وانــت للــحـيـن كـومـبرس !

مـا غـير تـفـتــح بــاب وتـسـكّــر الـبـــاب

..

راســك مــقــفـّـل ما اسـتـوعبــت للـــدرس

لــذلــك إبــقــى لآخـــر الـعـــمر .. بــوّاب


[عـ / ثـ ]

..

[نواف التركي]

ياعازف الناي لاتـنفخ ضلوع القـصـب =للحزن في ذا الفراغ اللي بصدرك سمات

يعني بضيقي تذكرني وانا في صخب !!=ياعازف الناي وش لك بالشعور الممات

مرت أغانيك صـدرٍ به غضب للغضب=لاحظني أهتزّ حزن وتكتربني جـهات

مرات تدمع عيوني دونما أية سبب=واشوفني من هنا لهناك كلي بيات

في مقطع الدمع كانت داليات العنب=تتساقط بداخلي تبحث حياة لحياة

ياخي كفايه نشيج أموت من هالعتب=ياخي كفايه تشد أضلاعي لشيّ فات

قد قلت لك مـرة والدمع فيني نضب=دخيل ربك يكفيّ هالخفوق إلـتفات

نايك عـوالم غريبه لو بدى من خشب=تبدي من ضلوع صدرك تنتهي بالشفاة

ياعازف الناي لـو يثمر نخـلنا رطب=ماكان ضاق الخفوق بدفتر الذكريات

ياعازف الدمع بي حزن وأنين ووصب=قل .. حدثوني بها أهل الحديث الثقات

شفني وانا خاويٍ صدري بعد ماوهب=حتى حناياه وأجمل ماحوى من صـفات

ياعازف الضـيق قـل : تبت يدا بـو لهب=وأستغفر اللي مضى واللي بعد كان آت

هالمفعم اللي كسرته ماكسب.. ماكسب=من كل هالأرض ماغير الفتات .. الفتات



فقط
(بدر صفوق)
يستطيع خلق الدهشه

[رجا المريخي]

ضاقت الدنيا بعيني والنفس فيني يضيق = الفرح فيني شحيح وهالحزن ماأكرمه

عاالألم ترقدعيوني وعالحزن دايم تفيق = عبدك وماثل أمامك يالله إنك ترحمه

[نواف التركي]

بعض الغلا يقضي على ظيقة البال = وبعض الغلا يقضي عليه التغلي



سعد الهلولي

[نواف التركي]

دق جوالـي اللـي خابـره مايجـيـب=غير صوت الجماعه وأخويـاي القـراب

قلت من هو وردّ الصوت ماهو غريـب=قالت شلون حالك عقب طول الغيـاب

قلت حالي عسـى الله يرحمـه يالحبيـب=بس .. من هو معي قالت معاك الصواب

قلت ما أذكر لقلبي غير ((ميٍ)) صحيـب=قالت .. أدري ولكن للسوالف جواااب

قلت هاتي جوابك قالت شلـون أجيـب=وأنت أشوفك تهدّ الماء وتطـرد سـراب

قلت : يعني وقالت : لا متـى هالنحيـب=قلت: لين التراب يحـط فوقـه تـراب

قالت أفنيت عمـرك والهقـاوي تخيـب=قلت : والله ما أذكر من متى هالعـذاب

قالت: أظـن مالـك فالمحبـه نصيـب=وأنت توّك على أوّل مغريـات الشبـاب

قلـت لله درّ اللـي تركنـي صويـب=نيشن القلب بأول طلعتـه ثـم غـاااب

قالت : الجرح قلت: يجيب ربـي طبيـب=قالت: العشق قلت: أول طريق الذهاب

قالت: الحزن قلت: أخر مقص الرقيـب=وأصدق الصحب لاشانت وجيه الصحاب

قالت: أخر كلام وقلـت: ودي أغيـب=قالت: تغيب وين وقلت: يمّ السحـاااب

بس/ من هو معي قالت معـاك الحبيـب=وأنقطع صوتهـا دون اللقـاء للغيـاب

[نواف التركي]

يا حرف تكفى تراك أتترجم أحساسي=خلّك خويي ولو خان الثـرى قبـري

وأليا تجهّم بوجهك وجـه قرطاسـي=تعال كنك عن القرطـاس ماتـدري

تعال خذ صافي علومي ومـن راسـي=يوم أكثر طعون خلق الله في ظهـري

ياحرف أخطك ويلعب فيك وسواسي=وأرجع وأشطّب عليك ويحترق صدري

ياحرف ماتـت غناويهـم بكراسـي=مدري وش اللي تغيّر ماهـم بخبـري

تساقطوا كالفـراش بنـار مقياسـي=ما عاد تشفع ولا يشفعلهم عـذري

شهقتهم لين ظاقـت فيهـم أنفاسـي=وزفرتهم يوم باح بكذبهـم صبـري

كنت أتجرع غلاهم وأنكسر كاسـي=سالوا على دفتري وأستنزفوا حبـري

مدري تغيّرت ولا مـا هـم بناسـي=نفس الآسامي ولكن ليـه مـا أدري

ياحرف تكفى تراك أتترجم أحساسـي=أليا كتبتك يشع النور مـن سطـري

[نواف التركي]

أيه يادرب تذكر صاحبك سندبـاد=قال نواف..قلت بشحمتـه ولحمـه

قال وينك وقلت أهيم في كـل واد=وأتفلسف بحكي(ن) ماقدرت أفهمه

قال عقبي وش اللي صار قلت الهجاد=كل درب(ن) ينادي بالعذاب زهمـه

قال شفته سعاد..وقلت ماتت سعـاد=شفتها تستغيث الناس محـد أرحمـه

تذكر الطفله اللي ساكنـه بالفـؤاد=تذكر شلون كانت للشعـر ملهمـه

تذكر النظره اللي بين صحو ورقـاد=تذكر شلون حطت بالفؤاد سهمـه

أيه يادرب قلي هالزمـن شأستفـاد=يوم يرفض كلامي لين كبّـل فمـه

كن حظي توشح من رداه السـواد=والزمان أمتحني كل حلـم أهدمـه

كل مالدّ طرفـي ذر فيـه الرمـاد=كل حزن(ن) بعيني هالزمـان رسمـه

كم بلاد(ن) نفيت وكم نفتني بـلاد=للوطن في عيوني صورة(ن) مظلمـه

الفرح في حياتـي أعتبـره أجتهـاد=فبركة شاعر(ن) حاول يخون قلمـه

بين نزف الجروح المبطيـه والجـداد=وبين قلب(ن) غدر فيه الزمن وظلمه

بين هم الرحيل وبيـن نـار البعـاد=ظاقت أربع جهات القلب ظاق نسمه

قلت ياقلب نمشي.. قال حيّ القعاد=قلت ياقلب تدري بالطريق عتمـه

قال طيب سعاد..وقلت ماتت سعاد=شفتها تستغيث الناس محـد أرحمـه