غن / لا ضاقت عليك الوسيعه / غن

[فيصل الفيصل]

ياصاحبي لاصـرت كلـي شظايـا

وشلون تلقى ظلي بالارض ممـدود

" يزيد الماضي "



بيت عظيم عظيم

[العـنود ناصر بن حميد]

تعـبت أمنـي هـ الوجع لحظة نـعـاس

تعبت اداري والألم ... مارحمـني

" إياد المريسي "

[شــمــ نـجـد ــس]

::


مقبرة أحيــاء مــا فيها مخرج

......... وإن بغيت علاجها صعب العلاج

كم جرحني البوح في صمتي الحرج

........ وأنا اعلـل نفسي بأي انفراج


( ماجد الخاطري ) ........

[العـنود ناصر بن حميد]

ياجرح .. يا ابن الجرح ماهو بكافي

متى تفكر تعتق الصدر يا جرح

***

معجبك لأنه من لضى البعد دافي

معجبك لأنه مـ أثلجه يوم هالفرح

***

تسرق سنيني وتستبيح الخوافي

وكلما جمعت بخافقي تبتدي الطرح

***

ليه الفرح يلقى بصدري منافي

بنيت من دمعي لهذا الحزن صرح

***

قلي ش بقى لي داخلي .. رد!! غافي

عمري قضى أوجاع محتاج للشرح

***

مرتاح جاوبني ابي رد شافي

ترضى تكون الصدر وأصير انا الجرح

" إياد المريسي "

[أصيله المعمري]

الكون في غيبتك فاقد انسان
وأنا في غيابك فاقد الكون كله
فهد المساعد

[العـنود ناصر بن حميد]

اثر صدق الغلا يجبر حطام الخاطر المكسور

وانا مهما منحتك من غلاي اشعر بتقصيري

***

ولو طالت مشاوير الطريق المظلم المهجور

انا لا من ذكرتك قلت أحبك يا مشاويري

" مساعد الرشيدي "

[عيون الشوق]

اللي انكسر بالقلب صعب يتصلّح

................/........... وشلون ابجبر كسر قلبٍ ظلمته ؟

[العـنود ناصر بن حميد]

أنا ادري لا تسولف .. والله اني عارفً حزنك

واعرف اللي بدا بك وإنتهاك .. ولعثم حروفك

***

اعرفه كثر عرفي للشقا .. أو جهلك لغبنك

مهي رعشة شفاهك في ذهول تفسر ظروفك

***

مشيت .. وكانت عيونك تغني والرضا لحنك

رجعت وهذي عيونك تغني .. واللحن خوفك

***

تصدق كنت اشوف إن الأمل يركض تحت جفنك

وأنا هالحين ما اشوف الأمل .. لكني أشوفك

" لافي ذباح "