غن / لا ضاقت عليك الوسيعه / غن

[نواف التركي]

محاولة مدح






لمي أطـلال بالجهـراء محاهـا=زماني ما محـى منـي غلاهـا


أخايلها ألا مريـت وأصفـق=يديني والعيون تجيـب ماهـا


لها صخّرت حرفـي وأبتليتـه=وهي في كثر تعذيبـي تباهـا


دع الذكرى وهات القول باللي=حروف الشعر بأخلاقه زهاهـا


كريم الجد محمـود السجايـا=ولد شيخٍ أليا كبرت قضاهـا


ورث مجدٍ قديـم وزاد مجـده=مراقيب الفخـر يامـا رقاهـا



لا






(لميّ) ذكرى .. يطول الوقت ماراحت=لو طال ضيم السنين الغبر ما أنساها


وله دمعةٍ ...من ثمان سنين ما طاحت=يتعب عليها القصيد ويطلب رضاهـا


(دع عنك) ميّ ٍ..دلال المفرده فاحت=خذ من قصيدي .. مثايل غير ذكراها




ولا كذا







أنا حرفي عزيـزٍ مـا يدانـي=يخط المـدح بفـلان الفلانـي


ولاأذكر قد مدحت أنسان مره=ولا خطيت حرف بـمودماني


لأني ساميٍ عن بعـض معنـى=وأحشمه كل ماظاق ونصانـي


لذلك لا مدحت أنسان مـرّه=تراي أمدح غلا مو شي ثانـي

[نواف التركي]

(مي) يابنت قصّه أغرب من الخيال=شيٍ أكبر من حدود الغناء والقصيد


لو سألتي تراااا مافيه شـيٍ يقـال= ولو بقول أكثر اللي أعرفه لاجديد


يقصر لسان شاعرها عن الأحتمال=كل معنى ولو حاول بيبقى بعيد


بنت من نور ..ولاّ نور بنت ومحال=يقتبس نورها من طهرها من يريـد

[نواف التركي]

الهم حاصرني وأنـا عنّـه أرقبـت=راس الطويله خوف لا أشق ثوبـي


في راس ظلعٍ معتلي عنـه جنّبـت=ما غير أنا مع رايحـات الهبوبـي


توي صغير ومن غثى الوقت شيّبت=لكـن بستـر الله عفيفـه جيوبـي


ماني بعيد عن العرب وأن تقرّبـت=أقرب حشيمٍ مـا تكشّـف عيوبـي


أكبر هموم الناس لا غبت وش جبت=والرزق عنـد الله عليـم الغيوبـي


يمكن يبونه غيبتي بس وأن غبـت=تعجز خطاااويهـم توصـل دروبـي


لله در السبـت ياليـلـة السـبـت=لو كان خنجرك يتنـاوش جنوبـي

[نواف التركي]

ياكثر ما مروا على بالـي أصحـاب=وياكثر ما راحوا ..كذا .. دون تفسير


وياكثر ما جربت طعنـات الأقـراب=حتى عرفت أن ماورى قربهم خيـر


تساقطوا من عيني أفـراد وأسـراب= راحوا ..مراح الدلو في لجـة البيـر


الله وكيلك مـا بهـم واحـدٍ طـاب=خلونـي لحالـي بوجـه المقـاديـر


لكن مادامي حـي والله مـا أهـاب=وصاة أبوي أحـذر تعـد المخاسيـر


مسيـر يـوم ٍ ينفتـح للرجـا بـاب=نبي ندرجها علـى الـدرب وتسيـر


خلصت منهم صاروا بعيني أغـراب= وأخر رسالـه شوفهـا بيـتٍ أخيـر

أكبر مذله تحتـري فزعـة أجنـاب=وأكبر غبن لاحـدك الوقـت للغيـر

[نواف التركي]

صاحبي لو هالقلم يعـرف نهايـات الـدروب =كـان مـا أشقيتـه يـدوّر فالـدروب نهايتـه


ولو عرفت أن الشفق لونه مثل لون الغـروب =كان ما أسهرتـه يسولـف للنجـوم حكايتـه


من يقول أن أعذب اللي يكتب الشعر الكذوب =يعلـم الله مـا سهـر تشكـي عليـه مرايتـه


يعلم الله ما تظايق كـل مـا هـب الهبـوب =ولاسجـع فالخاليـات القفـر لحـن غنايـتـه


صاحبي ليتي عرفـت اللـي تخبيـه القلـوب =كان مـا ضيّعـت عمـري فالسنيـن الفايتـه


كان ما شلت الذنوب اللـي تقفّاهـا ذنـوب =كـل ذنـبٍ يلعـن الثانـي ويلعـن غايـتـه


ذنب بنتٍ ظيعتني يـوم لـي قلـبٍ طـروب =أقفـت وخبـري بقلبـي مـن زمـان أقفايتـه


صاحبي لا تنشد الغربه علـى ويـن الهـروب =أنشد اللي من زمـان الضيـم شـاف كفايتـه


يندهه شوقه شمال وخطوتـه تمشـي جنـوب =البـرئ اللـي نفـوه ولا عـرف شجنايـتـه


شاعـرٍ خانـه زمانـه بـس عيّـا لا يتـوب =ليـن علّـق فـي مراقيـب المراجـل رايـتـه


صاحبي كن القلم بيديـن نـواف مغصـوب =وكـن هالدفتـر يبـي ينهـي معـاي حكايتـه


صاحبي ملّ القلم ما ملّت خطـاي الـدروب =بس .. يمكـن يستريـح أليـا وصـل لنهايتـه

[نواف التركي]

والله لو تفكيـرك المحـدود جـداً غرّنـي=يمكن على أول مفترق بالدرب ردتني خطاي


لكني أكبر من كذا عمر الحكي ما ضرّنـي=لآني معاذ الله أدوّر خنجـرٍ يطـرد قفـاي


ولآن أكثر العالم كذا مثلك كثيـرٍ مرّنـي=وأنا بعيد ولا يجي مثلك يبي ياصل مـداي


أنا آ تسامى لآن بي عـرقٍ كريـم يجرّنـي=يمّ السماء لأني ولـد لامٍ معرّبنـي جنـاي


رح ياعسى الله يقلعك يومين وأنت تفرّنـي=لوتفتهم حشّمت حالك ماتربّصت لخطـاي


خلّك طليق لساني اللـي لانخيتـه سرّنـي=لأني أكبّرك أن حسبتك واحدٍ ضمن أخوياي


يعني أفهم الأتي: ولا مليون مثلـك غرّنـي=سخافتك خلّه تراني ماألتفـت للـي وراي

[نواف التركي]

والله أني قبل أعرف الشعر وحروف الكتابه=عاشـقٍ بنـت غلاهـا ماتنزلـه الليـالـي


عاشقٍ بنت الرجال اللي تمكن بـي صوابـه=جرحها لو هو بقلبي غاليه والجـرح غالـي


علّ تفداها السنين اللي مضت لي في عذابـه=وكان به للعمر باقي فدوتٍ لـه مـا بقالـي


هي حلّت وسط قلبـي وأستباحـت مابقابـه=لين ما حبه نزل به منـزلٍ بالقلـب عالـي


لاأقبلت كنّه تبشـر جـرد الأيـام بسحابـه=ولا أبعدت مثل الربيع أليا تبع وسمٍ شمالـي


كل ماغابت ندهت الحرف وأبدعت بغيابـه=لين أبكّي مفردات الشعر وتعـود لوصالـي


وأن جذب صوته خيالي للمشاريه وسرابـه=رحت أعلّمها وش اللي لا طرت يطري ببالي


أشتكي له من زمانٍ عـن مداهيلـي غدابـه=الزمان اللي حرمني عمري من أول وتالـي


هي وطن قلبي وهي سر أبتعاده وأغترابـه=حللّت مسراي وأبعد في مسافـات أرتحالـي


هي غلاي وملهمتني ..سر عشقـي للكتابـه=حاشمه عن مفردات الغي وضنـون الليالـي


حاشمه عن خائنات الطرف وعيون الصحابه=لارأت عينٍ ولا سولفت عنهـا لـو لحالـي

[نواف التركي]

يا عازف العود روّقنا = البال مبطي ما هو رايق

قسّمت حتى تشوّقنا = يا ضايق البال يا ضايق

بالله للحزن فرّقنا =ماهو علينا الفرح لايق