غن / لا ضاقت عليك الوسيعه / غن

[نواف التركي]

أجمّع لك حطب صدري وأشب بموقد التذكير =وأعاتب لوحة غيابك تعذّر وأقبـل أعـذاره

تباطيت العذاب وجيت أدّور للفـرح تفسيـر=لقيتك تنبش قبور الجروح وتنفـض غبـاره

بدى طفل الشقى في داخلي يستجمع التفكيـر=بدى يسترجع الذكرى بدى يستجمـع أفكـاره

بدى يرجع..بدى يرجع بدى يستعذب التغيير=بدى يرقص على لحن العمر وأستعذب أوتاره

هلا يا مرحبا.. وأقلط تفضل يا عساك بخير=تقهوى يا شقى عمر الحزين وغربة أشعـاره

تعال أقلط هنا..ولا هنا واللي تبيـه يصيـر=تعال أفرشلك الخافق ..غلا وأكشفلك أسراره

هلا بك ياشقى البارح..هلا يانفحـة النوّيـر=هلا..وأن كان للغربه وطن فعيونـك ديـاره

يقولون العرب كثر السـلام يقلـل التقديـر=وأنا أشوفه عتب قلب(ن) غيابك حطّم أسواره

ذكرتك وأنحنى حرف القصيد لصطوة التعبير=لقيتك تنبش قبور الجروح وتنفـض غبـاره

تساهلت الغياب وظاق صدر الكون بالتأخيـر=لك الله..ما غفت عين الغريب ولا طفت ناره

[مزيد المزيد]

المعذره ما اعرف اقول الخرابيط = اجيب جزل الشعر واترك فتاته

ومن ضاع قافه بين فك ٍ وتربيط = اخير له من فك قافه سكاته

وبعد اذنكم باشطح على طاري الطيط = باكتب رساله للفتوه شحاته
.
.
.
.
.
.
.
.

ياخبل انا ماني بحاجه لتوسيط = اشتت المجموع واجمع شتاته

ولاصارت الدعوه حميّا مصافيط = يصفط لي ذراعي وانا اضمن ثباته

وان كان فهمك مانفع فيه تنقط = باعطيك بــــ ( القمقوم ) وافهم لغاته

.
.
.
.
.
.
.مقيط ضاع رشاااه ... يحووووول يامقيط = من يوم ضاع رشااااه .. ضاعت حياته

[نواف التركي]

ما كان عادي حضورك عقب هـ الغيبه = بالعكس كان النقيض لكلمة العادي

ماهو بـ هذا أنت ماهي نفسها الطيبه = ما كنت أنت الرقيق العاشق الهادي

يعني على أتفه سبب سوّيتها مصيبه = ولاّ أنت ناوي فراق وعذرك (البادي)

شف عاد دام أن بها تشكيكٍ وريبه = بيدي ولا بيد عمروٍ ذبحة فوادي

معاك بكره وبعده ...( بعدها الغيبه ) = لاعاد ترجي وراها رجعة الغادي

[عيون الشوق]

مدام بالذكرى تعيش أبتسامات

................ بستأذنك تبقى أبتسامة حياتي

[نواف التركي]

نرجع نغنّي لـ (ميّ) الله يذكرها = بالخير كانت تعرف الحب وشـ / يعني

اليوم بالذات تحتاج أنّي أشكرها = على الأقلّ رحلت من دون تطعني

ياقلب بيبان وصلك قوم سكرها = في وجه ريح الغرام أن كان تسمعني

كل الوجيه الغريبه طعني أنكرها = لا يكرمون الجروح بملحهم طعني

[نافع التيمان]

يعني دريت وقلت قلبي طاعك= قلت : الفقيّر عاشق وبرثع به .!
والله لو تشّر علي باصباعك = جيتك غلا كلّي .. ورب الكعبه

[يزيد الماضي]

بأختصار..

مقدر على لحظة ألم

[نور الفيصل]

الموت حق وكل نفسن تذوقه = مير البلا من ذاق موته ولامات
من واحدن قلب المعنى يسوقه = بدل ليالينا الهنيه بونات
الله من قلبن وساعن فتوقه = هيهات يامن يدرك الصبر هيهات
والعين عيت نومها لاتذوقه = ونفسى طموحه للامور البعيدات
والنفس من سبت هواه محروقه = ولاشفت وياه الهنى لوبضع ساعات
غديت مثل اللى محارب مذوقه = او مثل من يندب فايتن فات
يصاحبى كلك حلاوه ولوقه = ياعشقتى من بد كل العفيفات
حبك جرح قلبى ويبس عروقه = من عقبكم لاكل ولا اشرب ولا ابات
باغيك مير الوقت تصعب طروقه = وليا صفى مره غدر عشر مرات
انا حسبت ان الليالى صدوقه = واثرى الليالى تبدل الونس حسرات
ياعل حبن عاق قلبى يعوقه = كود يتذكر مامضى وكل مافات



سالم حزمى الميع