غن / لا ضاقت عليك الوسيعه / غن

[نواف التركي]

قبل اسافر وتنسى جيت اسلـم عليـك=جيت ابي عمري اللي من يديني غدى
ضاعت اجمل سنيني من عمايل يديـك=اكذب ان قلت راحت لاجل عينك فـدى
فرصة العمر قالوا لا غدت مـا تجيـك=جتني اكثر فرص عمري وضاعت سدى
جرب الخوف مره حـس بـه يعتليـك=وارفع الصوت ماتسمع لصوتك صـدى
تدري اللي ذبحني قولتـك مـا ابيـك=مابقالـي لثـاري لـو بغيتـه مـدى
ما هقيـت المشاعـر كلهـا ترتجيـك=قل لها بالمفـارق منهـو اللـي بـدى
هاك دمعة عيونٍ باكيـه تشتكيـك=هاك ريح ضميرٍما استراح وهـدى
ما تناظر عيونـي زول هـذي وذيـك=ما يهز المسامع اسـم ريـم وهـدى
قلت ماعادلي رغبـة وشوفـات فيـك=قلت يا نفس طيبي يفرحـون العـدى
قلت عايف ونفسـي بالخفـا تشتهيـك=عزة النفس تدري طيب ما هـي ردى
خل عينك تهـل دموعهـا وش عليـك=انت خدك ورود ودمـع عينـك نـدى



متعب التركي

[نواف التركي]

يا وسيع البـال .. ضيقـت الصـدور=رحت ما علمتني وين انـت سـاري؟
في غيابك.. مـا لخلـق الله حضـور=وفي حضورك.. ما لهم بالبال طـاري
ليـه مـا تختـال يـا بـدر البـدور=و القصايد لـك وصيفـات و جـواري
لـك بنـات الفكـر ربـات الخـدور=يكشفن الثامهن.. و الجـرح عـاري
جعل قلـب مـا مـلاه الصـدق نـور=عند وجه اريح.. مـا يلقـى مـزاري
التغاضـي عجـز لا طـال القصـور=ليه أداري؟.. و انت عني منت داري؟؟
الزمـان قصيـر .. والدنيـا تــدور=كل يوم يضيق فـي عينـي مـداري
صاحبي محتاج لـك شعـر و شعـور=و إحتياجي شي.. ما كـان إختيـاري
من متى و الغصـن يختـار الطيـور=من متى و البـال يختـار الطـواري؟
لا تسمي صمتـي البـارح .. غـرور=إنكساري خلف هالصمـت امتـواري
في غياب الشمس وش ذنب الزهـور=و المطر لا شح وش ذنب الصحاري؟
اللقـا لحظـات و الغيبـه شـهـور=تقصر الخطوات و يطـول انتظـاري
لو قريـت المنكتـب بيـن السطـور=ما كتبـت لغلطـة العمـر اعتـذاري
صمت هالمينا.. مثل صمـت القبـور=ما رسى مركب.. ولا لاحت صـواري




متعب التركي

[نواف التركي]

كل حاجه طعمها مر فـي هـذا الزمـان=هـم هالدنيـا و حنٌـا نعيـش لهمـهـا
المكان اللي عرفنـاه مـا عـاد المكـان=و القلوب.. أحـداث الأيـام زادت غمهـا
صاحبي حتى أنت ما عاد تستاهل حنـان=أنت بعثـرت المشاويـر و انـت تلمهـا
البكا في مثل هالحال نـوع مـن الهـوان=و المهونـه كـل رجـال حـر يذمـهـا
صاحبي.. لو كان للناس و الدنيـا أمـان=ما تمـوت ورود الأحـلام قبـل نشمهـا
خل عنك علوم الأحبـاب .. واللـي كـان=انتهت..وسيـرة الأشـواق مانـي يمهـا
كلما تظما لياليـك قمـت اكتـب عشـان=تنزف جروحي و الأيـام تشـرب دمهـا
الكلام الموحش يخـاف نـور الشمعـدان=تحتـرق أسمـى معانيـه قبـل يضمهـا
من زمان أكتب على شان تقرا.. من زمان=بس ما شفـت المكاتيـب جابـت همهـا



متعب التركي

[نواف التركي]

بالهون عطني لـو دقايـق بوادعـك=خـل الـوداع برغبتـي واختيـاري
مبطي وانا شايف جفـاك وتسرعـك=يا طول بالي يوم اشـوف انتظـاري
اتبـع هـواك وروح مانـي بمانعـك=دام انت عبـد لكـل نـزوه وطـاري



متعب التركي

[نور الفيصل]

بين فرحة لقاك وهم فرقاك = لاتذكرت جرح ولا نسيتك
حي هالشوف ماتنمل دنياك = شف سواة العيون ليا لقيتك
عين تشربك شوف وعين تظماك = لاذبحني ظماك ولا رويتك
قمت اخيلك هنا ... وهناك .. وهناك= وين ترحل بي النظره نصيتك
ان تبسمت قلت الموعد شفاك = وان تمنعت بانفاسي دعيتك
وان طلبت الغلا قلت الغلا جاك = وان سكنت الخفوق البيت بيتك
وان نثرت القصيد بدرب لاماك = ذاع صيت القصيد وذاع صيتك
يارجا العمر لو حفتك الاشواك= ليتك اول طريق القلب ليتك
ودع البرد كف ضم يمناك = صافح الود قلبي يوم جيتك
حي هالشوف رغم هموم فرقاك = لو تناسيت جرحي مانسيتك



- مساعد الرشيدي -

http://www.6r63h.com/music/ar/k/a.abdullah/68.ram

[مزيد المزيد]

عين تشربك شوف .. وعين تضمااااااااك
............................... لاذبحني ضمااااااااااااااك ولا روووووويتك
.
.
.
.
.
.
.
.
.
.
.
.
ان طلبت الغلا !!! قلت الغلا جااااااااااك
............................... وان سكنت الخفوق !! البيت بيتك

[مزيد المزيد]

صاحبي في خاطري اسألك شي ؟!

شي معكر كل صافي حياتــــــــي ..

ان كان انا مدري بغلاتي وانا حي !!

وش مكسبي كانك حزنت بوفاتي !!

[مزيد المزيد]

ماسنجرك / ردّك / إسلوبك / تواقيعك
اكذب ليـا قلـت لـك مانيـب فاقدهـا

وسوالفك / ضحكتك / دمعك / وتلويعك
واشياء كثيره !! تجاهدنـي وآجاهدهـا

ما وادعت خافقي من يـوم توديعـك ؟
فـي كـل ليلـه تعايدنـي وآعايـدهـا