لحن الصمت !!

[نورة القحطاني]

تو حلمي طاح من كتفي غريب
‏وانكسر كفه وبُعده اعجبه !

‏شال حملٍ فوق ماكتفه عطيب !
‏انجرح قلبه وهالجرح أتعبه !

‏مات صوت وغاب عمر وكم طبيب
‏أعجزه فك الرموز وأرعبه !

‏من شتات الروح لاحساس الوجيب
‏كان صوت الشعر عذبه أكذبه !

‏ان بكيتك صمت في قلبي نحيب
‏ولّ ياعمر الدموع المذنبه !

[نورة القحطاني]

احساسي اني في مشاعرك خاسر ..
‏يلوي ذراع الشوق ويهد الاشواق

‏حتى متى والصمت مؤلم وكاسر !
‏حتى متى والدمع تحويه الأوراق !

[نورة القحطاني]

غيمة ..
‏ومثل احساسنا الاول مطر !
‏،
‏كن اللقا في زحمة الشوق امطار
‏والقلب فيها ارض للوصل عطشى

[نورة القحطاني]

‏دايم كذا صوت المشاعر يعاني
‏والصمت مايرحم شعور المحبين

[نورة القحطاني]

على رحابة هالشعور اللي تخطيته كثير
يطيح من عيني بشر وتخيب هقواتي ببشر !

[نورة القحطاني]

‏ شاب آخر صوت في حس الشعور
‏هات لي من أجمل احساسك شعر

عوّض اللي فات من عمر السرور
لي معك أيااام تسوى بي عمر !

[نورة القحطاني]

مليييت أجبر عثرة الشوق وألقاك
في ربكة احساسي شعورٍ عزفته !

من زفرة الضيقة الى دمع فرقاك
يجتاحني بعدك شتاتٍ دفنته !

[نورة القحطاني]

ماسكن في داخل ضلوع الألم غير الأماني
من طويت آخر فصول أحلامها ذقت السكينة

اوقدت شمع وتمادت فيك هالذكرى تعاني
لين تابت من فتيل الشوق والذكرى الحزينة !

الظلام اللي تمادى في تفاصيلك أناني !
أوله غربة ولكن ! ..ذي تجاعيده ضغينة !

ارتكب عثرة غياب ولو حداه اللي حداني
مابكى بعدك عليك ولاشكى بعدك حنينه !