خذني لعيونك وطن
بـطفي بك شمعة حنيني
رتب أوجاع المنافي
سهر الضحكة بعيني
البارحه
زارني طيفك سؤال
احتار ما بيني وبيني
وقف اسمك
بين صمتي والنحيب
جيت بتجرع صداه
اشرقت بحروفه عيني
يا اخي اسأل
لو مجرد اتصال
احتمال
ان الغلا والود باقي
بس تأكد
اشتياقي .. مو مجرد احتمال
شي أكبر .. من عتابي .. من غيابي
من سؤالي .. آنا ويني
ادخل ابوابي غريب
اترك أوجاعك هناك
دثر احزانك بروحي
دفي بوحي
تعال .. دورني معاك
بس تكفى .. ضيع فيني
هالمدينه بارده
موحشه .. وحزني صدى
والمدى
في غيابك
ينتهي بصرخة أنيني
هاك ايديني
تمسح اكفوف الحسافه من يديك
هاك عيني .. خذ بصرها
من تغيب تروح عني
ويش اسوي في نظرها
لا انطفى طيفك بعيني
خذني كلي
ودع أوجاع المنافي
عيش فيني
في حضورك .. غيب فيني .. ما أبيني
ما أبيني ..
آخر المشاركات
05-11-2009, 10:29 AM
غيب فيني
العرض الشجري