كنتاكي

[رضا الهاشمي]

خشيت الممات وجيت يا موتي انشاكي
مصيري وانا اشاكي من الضيق وأشكيلك

قبل لا تجر الروح من جسمي الزاكي
ألا خلني عن غربة الروح أحكيلك

تشوف الدموع اللي على صدري الباكي
ترى اتحركت من طول آهه تماثيلك

ألا يا مماتي ما وصل قمة إدراكي
سوى الله ياللي يعلم أصغر تفاصيلك

انا كنت افكر بك من اهنيه واهناكي
واقول الله الله لو تجيلي وانا اجيلك

وذا مر عمري وجيت من مالك أملاكي
قبل لا تشيل الروح يا موتي ادخيلك

تذكرت معشوقي و الاشواق شباكي
حمامات قلبك منه تحمل مراسيلك

وانا آقول يا بعد الغلا مقدر أنساكي
ولا اقدر على صبحك ولا اقدر على ليلك

ولو كان درب الحب مليان بأشواكي
مشيته لجل ألقاك وانكب عا ريلك

وش الكهربا هل تشتغل دون الاسلاكي
وش الليل لو ما حط نجمه على اجديلك

منو اللي أخذ حسن الجميلات وأعطاكي
جمال ن و كبل خافقي بقيد تدليلك

من الشمس والأقمار و النور محلاكي
وعلى جسمك المقسوم محلا بناطيلك

ألا لو أشوف الورد الأحمر على فاكي
تمنيتني ورد ن يعانق مواويلك

فسبحان من ابدع جمالك و سواكي
وخلا الليالي تنقهر من مكاحيلك

واذا جيتي اتسوكين سوكي بمسواكي
ترى غيرتي غيرة واذا غرت يا ويلك

أعض شفتي كلما أشوفك يا كنتاكي
ولا شوف خلي يمسح ايده بمنديلك