الوجيه المستعارة

[محمد السالم]

..


..


ودّي امزح يا خويي مزح ودّي
........................... مزحة ما تسلب المازح وقاره
.
مزحة ؛ ثلثينها به وجه جدّي
........................... مختبي في كُم نيشان العبارة
.
الدروب اكثير والنيّة تودّي
........................ تاخذك من طول دربك لختصاره
.
كان ودّك يا خويي ؛ فاي ودّي
............................. نفترق والحر تكفيه الاشارة
.
يا خوي الدرب ؛ لو تعلم بسدّي
............................ كان مثلك يا خذ لوضعه قراره
.
خوّة ماهي على الحشمة تقدّي
....................... إن بقت خسران وأن راحت ودارة
.
ثوبك اللي لابسه ماهو بقدّي
............................. لو من السندس وياقوت زراره
.
دام لا شيمة ولا جدّك بجدّي
.................................. خلّنا ندّي صلاة الاستخارة
.
ركضة خلف السراب المجرهدّي
.............................. خير من نهر الوجيه المستعارة

..


..

م.س.