و حـبـيـت

[سلطان الوثر]

في زحمة الناس الشقية .. تشقــَّــيت
واخذت درس وباقي دروس ودروس

ما اقول اخذت العلم كلّه وملّيت
صيد المعارف روّحت دونه نفوس

درست في صفّ المحبّة .. وحبيت
لكن تشارطنا على ( طيف ملموس )

من شان لاغابت وانا ماتمنيت
ابقى معه عن ( وحش الاشواق ) محروس

لكن غابت دون شرطي وناديت
من عمق جرحٍ وسطه الشوق مغروس

تمشي جذوره بين الاظلاع وازريت
لا اصدِّق القمرا على صبح محسوس

ماكنت احسب الصبح يبطي على ( ليت)
حتّى تنشَّر في تضاريس افينوس

يامعلّمتني سكة الدار والبيت
ماعدتي تحطّي على الباب فانوس

قرضتي بسنّي على مفارَقك ( بيت )
وامسيت لامصبح على غير هاجوس

انا تعلمت اكتب الشعر لا امسيت
وانتي تعلّمتي تسوي لي طقوس

ياليت شعري فيك (انا ويش سوّيت ؟
في كل صدفه لك على القلب ناقوس)

يالايمتــني لاتقــــولي تماديــــت
عينك وانا في زمرة النجم محبوس

لو تدري الجوزا على ويش حبيت
كان اتمنّى انّي على جِرمها آدوس

 

[صالح الحريري]

سلطان وللشعر في مملكة شاعريتك وتر وسلطان ....!

 

[تفاصيل منسيه]

سلطان الوثر
قصيدة جميلة ..ومعبره
سعدت كثيرا بقرآءتها..فـ
صح لسانك ملآيين لآهنت
و
تقبل مروري
دمت بود

 

[محمد فرج]

سلطان
حبينا معك الابحار
فقد أخذتنا في عوالم خاصة زاخرة بالشعر .

سلمت .

 

[شذرة السيف]

الله


روعه يا سلطان


صح لسانك يا طيب

 

[أمجد الدبيسي]

سلطآن الوتر

صديقي الجميل .. لله درّك
هكذآ انت جميل بكل طلّهـ

صج قلبك ولاهنت

محبتي

 

[عبدالعزيز العميري]

سلطان الوثر
جميل واكثر
دائما متميز

 

[سلطان الوثر]

صالح الحريري

أسعدني حضورك

ألف شكر