صوتــيه (( لاتــفــتــكـــــر )) صوتــيه

[عادل الظفيري]

للإستماع الصوتي فضلا الضغط على الرابط أدناه وأنتظر :-
http://www.tl3b.com/uploads/11-30-06~lateftekr1.rm

لاتــفـتــكــــر

[POEM="font="Simplified Arabic,4,white,bold,italic" bkcolor="transparent" bkimage="./images/backgrounds/22.gif" border="double,7,red" type=0 line=0 align=center use=ex num="0,black""]لاتفتكر بإني ليا صرت ضايق = إنك تسلي خاطري بالحكايا
بيني وبين الإبتسامه عوايق = ياكثرها دوني ومثله ورايا
بيني وبين الحزن عهد ووثايق = عيني بلد فيها دموعي رعايا
في مولدي إستبشروا طفل رايق = وإستغربوا طفلٍ ضحك له ثنايا
وأنا الوحيد اللي يعرف الحقايق = وإن الحزن لابدّ له من ضحايا
مرّت طفولة وحدتي بالحدايق = ترسم أمانيها بوسط الحنايا
ماكنت أظن إن العواصف تهايق = وأنا ورى العشرين تطحن رحايا
كانت بدايه للجروح العتايق = كم فجرت حلم الطفوله شظايا
لاتفتكر بإني لهالحمل طايق = اللّـــه .. ياسوّا بقلبي سوايا
كم ليلةٍ مرّت وأنا لي شهايق = في غرفتي أنعى لحالي أسايا
لوكنت لحظه في خفوقي توايق = يصدمك جيشٍ للحزن في سرايا
أعيش في غربه وحولي حرايق = نيرانها الظلما .. حطبها خطايا
غربه عجزت ألقابها إنسان لايق = فيها البشر تلبس.. وتبقى عرايا
كلٍ لقاله في زمانه رفايق = وأنا الوحيد اللّي رفيقي شقايا
ضاع العمر كله وكنه دقايق = عشته حزن.. عشته ألم.. من هنايا..!
تلومني..! لاشفتني دوم ضايق..! = هذا سبب واحد وغيره خفايا[/POEM]

عادل الظفيري وريث الجرح