روشن هيا

[حسام المجلاد]

يامن بضحكتك يصبح كل عاقل سفيه
العمر من دونك الظلمى وفيك الضيا

إمشي ورا قلبك وطيعيه باللي يبيه
طالبك.. لايمنعك عن ماتبين الحيا

طيشي محبّه وخلي كيف عنّك وليه
بين المحبين..ماله داعي الكبريا

يابِنت، مافيه قلب إلا الهوى مَرّ فيه
لا اهل الذنوب سْلموا منّه ولا الاتقيا

من قبلنا من رفع لله بخشيه.. يديه
اللي دعى ربّه بشعره وهَلّ الحيا..

من مر هالحب في قلبه وهيمن عليه
ماعاد للشوف قِبله غير.. روشن هيا!