يمر الشعر من فوق الجروح /اسراب تلو اسراب
.......................ولاتتحسس جروحي / سوى طرياك يالغالي
احسك فــ( الزمان) وفـ(المكان) وقلبي المرتاب
............................... حنينه يشتعل مابين / موالً وموالي
كاني طفل عند الباب / يترقب صرير الباب
.............................. هله خلوه يبكي للفراق/ ايام وليالي
حبيبي والعتاب/ اللي يسمونه عتاب احباب
.................؟....... شكاني والبحر/ هادي وثار الموج للعالي
نسيم الصبح يقرا وجنتينك /صفحتين كتاب
..................... ولافيها سوى حمرة خجلك/ وعطر مرسالي
دفا الشمس الحنون يداعبك بالعين والاهداب
....................وطيف المغربيه / ينقسم لك / معطف وشالي
احبك كيف ما احبك ؟ وانا اللي لو لقيت اسباب
................... لحبك / والفرج / كان احتضنت الحب طوالي
اسيّر مركب احلامي / واعز من التراب تراب
....................... تراب ً سارت اقدامك عليه/ وظلّه ظلالي
على حبك / مضت كل السنين / بحزمة الحطّاب
..................وانا اشكي حالي/ لحالي /ولايبكي/ سوى حالي
نثرتك بالقصيد وهلت الفرحه بدون حساب
...................وكتبت الشعر/ لاجل الشعر /لكن ماظهر غالي
اعيشك اكبر ايات الوفا / يا أخر الغيّاب
........................ولايحلالي / الاشي / يحلا لك / ويحلا لي
سنينك طيّبتك ذكراك / لكن جرحها ماطاب
..................... وهو يقتات من وجهي/ عيــون بدمع همالي
تمرقب فوق صدري/ من عناوين الغلا مرقاب
........................ وتلعثم كل منطوق الزمان/ اللي تهيا لي
حقيقة (نعمة النسيان )راسي من جفاها شاب
........................ على كل البشر مرت / ولامرت على بالي
حبيبي والقصايد في غيابك وجهها ماغاب
.......................يدوزنها عطش كل السنين /وصوت ترحالي
كانه مانطرق معنى / ولادندن وتر زرياب
.......................... سوى لرضاك ثم رضاك ياول واخر امالي
آخر المشاركات
03-12-2009, 04:03 PM
عنـــــــــــــــــــــــــاوين الغـــلا
العرض الشجري