الضيا ..مكسور ...تحليق أول ..

[نورا]

سعيدة جدا بالحضور ..في أبعادكم ..الزاخرة بكم ..

حضور أول ..أتمنى أن يرقى لسمائكم ...









خذاك الليل.... يانجم ٍ تحدّر.. والضيا مكسور

.. .. .. .. .. .. .. دخيل الله.. لا تسري.. وتصفع وجه أعذاري



خذاك الليل ....واشواقي تبا تكشف ..عن المستور

.. .. .. .. .. .. .. تبا تعزف.. لحن غربة.. تكابد ضيم أسفاري



تعال ف/ عين أحزاني.. نبأ شوف.. وبشاير نور

.. .. .. .. .. .. .. تعال اسْفِر ..عشان أحيا .. واخفف وطأة اوزاري



على شباك أفراحي.. تخايَل لي مثل ..عصفور

.. .. .. .. .. .. .. يغني لي.. وأرقص له.. وافضفض له عن اسراري



يصبّ الشوق.. في فمّ الليالي.. وينكسر بلّور

.. .. .. .. .. .. .. وتدخل نسمةٍ مالت.. مابين الصدر.... وازهاري



اناجيها وتناجيني بشعر ٍ.. والغلا منثور

.. .. .. .. .. .. .. ألّمّه.. وتنثره.. وارجع ألمّ.. وتنثر اخباري



تخبرهم عن عيوني.. وعن دمع النيا ..المشعور

.. .. .. .. .. .. .. تخبرهم عن احزاني.. وبياض الثلج.. في داري



تخبرهم.. ياكيف ازرع سنابل.. والأراضي بور

.. .. .. .. .. .. .. تخبرهم ياكيف أبكي ..على نكران.. أنهاري



بعد هذا ..تبي تسري؟ وقلبي بالدجى.. مكسور

.. .. .. .. .. .. .. يلوّح لك بمنديلٍ ..شكى ..من دمعي الجاري



,
,



نورا