(( سـJl >lqـكُحـJــ ))

[مبروك بن ماضي]

(( سـواد الكُحل ))[POEM="font="Simplified Arabic,5,red,bold,normal" bkcolor="transparent" bkimage="" border="solid,4,firebrick" type=2 line=0 align=center use=ex num="0,black""]
************
يقولون الهوى بلوى ولا بُه عـشق دون أسباب =وانـا يابنت مبـلي في هـواك بْسـبة عيونك
بلي في حـبك فْـؤادي ومن شـدة غرامي ذاب =حرام إنـّك تـسـميني بأسـمٍ غـيـر مجنونك
ونا لي قلـب متـولع بعشق الرمـش والأهداب =وشعري لك كتـبـته من سواد الكحل بـجفونك
انا مقدر أحـط بيني وبـيـنك في الغرام حجاب =ولا بـيهـمني حـكي العـواذل لايهـمـونك
أعارض وارفـض الحاجز وقَفْل السور والأبواب =يـمين الله غيـر الموت قـط ماحال شئ دونك
ولا أقـدر أعـيش أوهام واحيا في أمل كـذاب =عساك إتقدري ظرفـي وتـنسي الشك وظنونك
وهبتك كل عمـري لك بـلا منـه ودون حساب =أبقـطن في مقاطينك وابضـعن ساعة ضعـونك
صدق من قال لك بـسمه جميلة تـسحر الألباب =ـحبب فيك نـاسٍ قـبل شـوفك مايحـبونك
وانا من حين ماشـفـتك وانا من نظرتك م**** =يفـز القلـب لي مني سمعـت الناس يطـرونك
نعم كنتي ومازلتي تـثـيـري فيـني الأعجاب=أشوفك وانـتـشي وارقص طرب لغناك ولحونك
وانا ياما نصحت القلب . تب يـاخافقي: ماتاب !!=عن حبك . ولايـمكن يفّـرط فـيـك ويـخونك
تعالي كان تغـليـني بـنـتعـاتب عتـب الاحباب =عليك الله مـاودي سـوى ضحـكه من سـنونك
إذا يرضيك تعـذيـبي وقصـدك في الغـياب عقاب =دخيـلك يابعـد روحي شـوي شـوي على هونك
بـدونـك ما أرى في الكون شي يـنقال له جـذاب =تغـير كل شي في غـيـبـتك بعـيون مضـنونك

******
مبروك بن ماضي[/POEM]