بلادي

[عبدالعزيز الروابة]

[poem=font=",5,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
هبت شمال وعبرتي ساقت الغيم=يم جنة الدنيا ربعي بلادي
يسوقني هالقلب سوق المجاهيم=للي مرابعها صباي ومرادي
يارب خفّف لوعتي كثر ماهيم=وكثر الأسى ليا طاش وازهم سهادي
ماعدت انا حمل الفراق ولظى الضيم=يلهب بقفرا الروح ماهو بعادي
بلادي غلاها نبعه بمهجتي امقيم=ماحثربت غدرانها يالصوادي
وإلا رعاع الناس عنهم هي اتشيم=ماعذربوها بزيف هرج الأعادي
تهطل على قاع الغلا وابل وديم=وينبت حنين وشوق باقصى فؤادي
يازين في ريضانها مرتع الريم=بين الورود وهبهبات البرادي
دايم دموعي اليا اذكروها مواليم=أروي سنابل عزها من ودادي
شوقي لها شوق الحماد للقا الغيم=وشوق العيون لشوف من كان غادي
غض الطرف مافيه لاسين لاجيم=عاشت بلادي والف عاشت بلادي
[/poem]