أحلام البسيطين ..!!

[نايف السميري]

[poem=font="simplified arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صباح الأحلام يأخذنا على وين !=واحنا غلابا ولانعرف شــقــاوه !
مصير الاحلام دايم بين ثنتين ؟=اما مــرارة وجـــع وإلا حــلاوه !
يا أحلامنا رتبينا من هنا لين ؟=تنفس الصبح في طهر النقاوه !
وإلا ارجعي واكتبينا بين سط/رين ؟=اجساد وارواحها ذبلت حفاوه !!
نبت السهر في محاجرها من سنين !=وتقاسمت صبرها بذل ونخاوه !
ترتل انفاسها مابين ( قوسين ) !=وتزداد زحمة امانيها فضاوه !
ويشرب سهرها الحنين وسطوة البين != وتموت في كبرياء وفي زهاوه !
كـ انها تستعير من السهد عين != تسبر بها الصبح وانفاس الطراوه !
مزحومة بالتعب واسماء غريبين !!= وملامح احباب تشهقها غلاوه !
تقرا المدى من يقين وبعض تخمين !=ويكبر وجعها بتقنين وهداوه !
هذي هي أرواح واحلام البسيطين !=اللي ســما احزانها فيها رهـاوه ![/poem]