طلبتك لا تناديني

[محمد الايداء المورقي]

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]على ذاك المكان/ اللي جمعنا قبل عيد الفطر= ذكرت أيامنا الحلوة/ وهل الدمع من عيني

لقيته خاليٍ(ن) موحش بقايا من حنين وعطر= بقايا من حنين وعطرك اللي يختلج فيني

صحيح أن التجافي غيمة (ن) سوداء بليا قطر= حجبها بارَق سنين العجاف/ وبارَق البيني

ولو أني على ذكراك/ أوايق للدروب الخطر= وجر الصوت في مبداي والعربان ممسيني

هويت ولا قويت إلا جروح وقلبي اللي فِطِر= سبايب حبك اللي ساري (ن) وسط ألشراييني

دخيل اللهِ/ يابنت الرجال أهل السيوف الشطر= تتمين المواصل دامها في يديك ويديني

ترى جاش المعنّا باح سده بين سطر وسطر= يترجم لوعت الملتاعِ/ فصدور المحبيني

نطرتك في زمان الضيق لكن وش يفيد النطر= ما دام إن الليالي فرقت ما بينك وبيني

دنت روحي من الضيقات/ والصدات جاها بطر= طوت درب الغرام وجنبت درب المقفيني

دقيقه قبل لختمها بقوله وفهمي هالشطر= ليا جفت دموع العين/ طلبتك لا تناديني[/poem]

 

[عبدالعزيز سحل]

محمد

حضور اولي لمصافحة النص وصاحبه

لي عودة تليق بإذن الله

مودتي

 

[فاطمة ناصر]

السلام عليكم ورحمة الله وبركاته

مساء الجوري

دقيقه قبل لختمها بقولـه وفهمـي هالشطـر
_____ليا جفت دموع العيـن/ طلبتـك لا تنادينـي

الشاعر القديــر / محمد الايداء المورقي
قصيدة لا يجيد سبكها إلا كبار القامة شعراً ..
نص ملئ بالجزالة والمعاني الثمينة ..
صح قلبُك إلى أنْ ترضى ..
..!.

 

[عبدالله العويمر]

محمد
تَمَكُن شَاعِر يَعْرِف ُ تَرْويض القَافِيةَ جيّدَاً

نَص جَمِيْل المَبْنى ، والمَعْنى

جَمِيْل ، وأكْثَر

 

[عطْرٌ وَ جَنَّة]

../ وَنعم هَكذا يأتِي الْحَنين مُلوّناً ..
وإن بَهتت الأضلاع وَ الْذَاكِرة ..
يُعِيدُكَ طِفلاً ..ويُكبّلكَ بالْشَيب ..ويتعلم الْفُضول لِيقفزَ مِن صَدْرك وَ مَلامحك .
هَذا [ النّص ] يَجْمع ذَلك يامُحمّد ../ وباتقانِ الْشُعور ..كان الشِّعر .

- ثَانِيكَ وضاءَ ..
ولا يَقلّ عن أوْلِك .

شُكْراً لك ,

 

[محمد الايداء المورقي]

المشاركة الأصلية كتبت بواسطة نومان سحل

محمد

حضور اولي لمصافحة النص وصاحبه

لي عودة تليق بإذن الله

مودتي

هلا والله وغلا لي الشرف

تحيتي

 

[أحمد الهلالي]

شوق جارف ..
وتوسلات عاشق شفيعه الحب ..

ستمطر إن ترامت بين هذه الأمواج يا جميل ..

دمت مورقا بالحب / والشعر ..

 

[خلف المهيلان]

b]

ياعذب وش ذالعطر
ونفحة الشعر
المنعشه حد السما
ممتع يابوقاسم حتى الاندهاش
ودي وغلاي
ومروري المتواضع ياسمو


خ م

[/b][/QUOTE]