جُب حظي

[غازي بن عالي]

صباح الخير ابعاد الابداع
.
.
المحبه غامره بالقلب وان طال البُعاد
.
.

نص متواضع يرتقي لـ ذوائقكم

.
.


التايه اللي تاه في سرمد الليل
امانتك يانجم بالوصف هب لي
ابتقدى واخذ الوقت واميل
للعزله اللي من زمن تنتصب لي
مملي شقى والضيق زوّد بي الويل
ماشفت نجمه باللقى تنجذب لي
مرو طواريش العرب في تساهيل
وانا المتاههه في دهاليز سُبلي
سكة سفر هدت من آمالي الحيل
ماظنتي مرّت على إنسان قبلي
في صومعة فكري شعور ومواويل
احبار في دير السهر ترتقب لي
هم سابقين العهد الاول وهالجيل
بأسبابهم اصبحت بالحيل مبلي
اتوه في ليل الدجى دون قنديل
ديجوري الكامت سدل وانسكب لي
لو جُب حظي بين فرصه وتأويل
يمكن يبين .. النور .. وامد حبلي
بس ارتقب لي لا تزيد البهاذيل
لو مرةٍ وحده تجمل وطب لي ..

 

[نادية المرزوقي]

نص شامخ و ليس بمتواضع

أبدعت الشعر و الحضور شاعرنا الكريم


دمت بخير و عافية

اختكم

النون

 

[عبدالإله المالك]

مجمل الشعر وتهب له الجزلة يا غازي بن عالي
حييت ودام نبضك وبوحك

 

[عبدالله العتيبي]

بس ارتقب لي لا تزيد البهاذيل
لو مرةٍ وحده تجمل وطب لي ..
صح لسانك الشاعر غازي بن عالي
..
درب العناء في جفاف الوقت ياغازي
راح العمر كل يوم اقول ابجتازه