وقتي موحدني

[عبدالرحمن مقبول الزهراني]

.

وقتي موحدني

صبِّح علي بالخير مالك حاجة
أو رن تالي الليل و اتنشَّدني

ازعجني لبى صوتك و ازعاجه
اكسر جمود العاطفه جدّدني

ناقِش لطافة شعري و احراجه
و حمرة خدودك يوم تتفقدني

كل الشعور اللي تروم انتاجه
ما بين ايادي وصلك امواعدني

تعال و اشهد شعري و معراجه
لك يا سمو الحُـب و اتنقَّدني

عـدَّه وليدك و أرفض اتغنَّاجه
و لـ اشتد عوده هِـز عـودٍ لَـدْنِ

و اخطر برجلك مدخله مخراجه
عـوِّذه من ظـنٍّ ردي نمردني

قارور حسنه أنت و أنت زجاجه
و أنت الذي ترهفه و تمرِّدني

لا تنشغل بالهرج و الهراجه
ما همني من ذم و اتحمَّدني

عليك حسنك و الغزِل و نساجه
علي أنا بردته يا مجرِّدني

عـن كل نزوة عابرة منعاجه
اصدر و لو حسنك غصب وردني

رفيع قدر و شعري و ابراجه
يحضنك من عاليك و يساندني

لو صولجان الحسن ولا تاجه
ما ارضى غرورك سم و اتقلدني

و اشره علي إن كان في ديباجه
ما خلدك شعري فلا خلدني

و إن كان ما لك في شعوري حاجة
تعال شيمة وقـتي اموحدني


عبدالرحمن أبو ريلام

.