زُجَاجْ !

[فايز الزعل]

السلام عليكم ورحمة الله وبركاته ..

للمكان وأهل المكان ومن في المكان ، قصيدة تأتي على أستحياء للتواصل .

*
*


حلمت بك والخيال أشبه مدن من زجاج
__ وأخاف من واقعي يرمي حجر وأكسرك ..!
أبراج طاحت ورى بالي ولا به مزاج
__ أشيد أكثر من اللي راح في دفترك .. .!
أنا تحت سقف هذا الليل أشعل سراج
__ من شان ألمح طيوفك ، داخلي مكثرك ..!
العشق : مافاد به طبٍ ولا به علاج ..
__ حتى يداويك من نزفٍ جرى بمحجرك ..
ياكيف أهدي أنا غيمة وحولك عجاج
ماعاد فيني مطر حتى يسيل أخضرك ..
__ لو أعلن الصمت كم فيني لسان أحتجاج
يمد عصيان بأطرافه ، ولا يقهرك ..
__ لو جيتك بصولجان الحلم بهديك تاج
بيطيح عرشه اذا الطعنات خلف ظهرك ..
__ فقارى الاحلام لو تركض تظل بأحتياج
وعكاز الايام مكسورة ومن يسترك ..
__ لاتبنى حلمك على مستنقعٍ من سياج
تغرق بوحل الأماني ينطفي مظهرك ..
__ للبحر هيبة وسطوة وكل من جاه هاج
ورغم الغضب داخله حنيته تأسرك ..!!