[ منافي ]

[ناصر حطاب الدهمشي]

السلام عليكم و رحمة الله و بركاته ..


منفى أوَّل :


أنا المنفي
عرفتيني !
أنا من رتَّب اضلوعه و أثثهن ..
أماني جيل
و سوَّا بيت ..
سكنتي به ثمان اسنين .. أو أكثر حيييييل
و هو ساكن مع لْحاله من أقفيتي
بلاد أغراب ..
شوارعها تجيب الضيق
وْ درايشها وراها اوجيه عليَّ اتويق
و تشتمني .. و انا اتلفَّت و اليِّمني
بقايا ميْت
غريبة كل مبانيها , مداخلها , شواطيها
و الأغرب ..
ميَّها بكل حي .. و لكن ما يبلَّ الريق
وش أحكي لك ..؟
وش أكتب لك أنا عنها ؟
و انا منها ..
بلاد .. اللي سكنوا فيها تناسوها
وِ جا من عقبهم أغراب و احييوها
بسوالفهم ..
عن الضيم .. وعن الترحال
و أي ترحال !
غياب إيطيَّح الرجال
عرفتيني !
أنا المنفي
أنا من رتَّب اضلوعه و أثثنهن .. اماني جيل
و سوَّا بيت ..
سكنتي به ثمان اسنين .. أو أكثر حيييييل
و هو زي ما تشوفينه
رجع لك من بلاد أغراب ..
و جايب لك
بقايا ميْت
بقايا ميْت
بقايا ميْت

فضفضة
.
.

ناصر حطاب الدهمشي