..
لي وليفٍ رآح واعيتني دروبه
توّها فرقاه تجتاح الصميم
تبت عنه ولا حصل لي عنه توبه
داخلٍ بالله عن افكارٍ رميم
ماغلبت النفس والنفس مغلوبه
يوم ماجنّبتها هـآك النعيم
ماأحسب الساعات بالحب محسوبه
لين صـارت فرحتي حبٍ قديم
واهني اللي بجنبه مادروا به
مادروا كم سيّلت ذكرآه ديم
من يجيبه لو رفعت الصوت نوبه
من يصحّي عرق وفروعه هشيم
منيتي لاسامح الله من غدوا به
مبطيٍ والهم في بعده كريم
واحدٍ مااجل منه إلا عيوبه
كيّة فراقه تجي كيّة غشيم
ماورى شوقي على شوفه عقوبه
جعل درب الشوق يذهب للجحيم
كل ماأسأل لهفتي لـه (وين هو به)
جاوبتني لهفتي لـه (بالقصيـم)
وسلامة قلوبكم
آخر المشاركات
12-10-2010, 10:56 PM
من يجـيبه ؟
العرض الشجري