عفيه البطل!

[حسين البليهي]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,darkred" type=1 line=0 align=center use=sp num="0,black"]
عفيه قدرت تسبني وتْهجاني =جودك عليّه بس ياذيخ الاجناب
أسدْ عليّه وبْحروبك هداني= ظالم ولاتخشى غضب رب الارباب
قبل تسميني سهيل اليماني = والآن عندك قيمتي صارت تراب
مكيّف اني شخص طيّب وحاني= واني أحسّب للخطا ألف ابوحْساب
والله بطل صوبتها بالمحاني = وقدرت تشمت بي بعيدين واقراب
إيوه كذا البيطار جزل المعاني = يطقها بالوجه ويغثّ الاحباب
قامت ترفّع بك بزورة زماني = وعلى الهبني عارضَك بالشعر شاب
قررت ألقب حضرتك ياأناني = والاّحرام اثر التنابز بالالقاب
تدري بخير احسن لي احفظ لساني= واتركك للي للمسيئين توّاب
يمكن تتوب وتعتذر في ثواني= وتصير من عرض الرفاقة والاصحاب
وان ماهداك الله ياالمودماني =مالي ياغير ازلهك والرب غلاّب
والله مستخطيك ياالهلقماني =والاّ اقدراكتب فيك ديوان وكتاب
ولا ودي اشمت فيك قاصي وداني= مهما يكن تبقى نسل عصم الاشناب
الطيّبين مقلّطين الصواني = لكن صحيح ان قالوا ش جاب لَا جاب
ياشين دعني تكفى دعني وشاني = ياشين انا بالشعر قايد وعرّاب
أحب الاول واكره آكون ثاني = بشهادة اللي رددوا شعري اعجاب

[/poem]