عـنـــد الـبـاب

[رجا المريخي]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا وصويحبي شعري وقفنا الليوم عند الباب = وجينا بالقصيد الي على كيفك تخبرينه

طلبنا عينك النجلا عسى مايهون لك طلاب = دقايق بس من وقتك ياعمري لاتردينه


أنا ماكان لي جيه ولاكن هالشعر لي جاب = لحوح إن كان له حاجه على خبرك تعرفينه

يبي منك دقايق بس يقول إبخاطره إعجاب = يقول الليوم هو مبسوط رايق لاتزعلينه

تعال وقول سمعني زمان الفرح شفته غاب = يشعري والله من إسنين ماندري الفرح وينه

تعال ولاتخليني ترى يكفي غياب أحباب = أنا أدري بعدهم قلبي ذبل في صفحة إسنينه

أعرفه شعري الصادق أعرفه ماهو الكذاب = أنا أدري لابدا يقصد يهل الدمع من عينه

تعود عالحزن دايم يشكل فيه كالجلباب = يعرف الحزن بأنواعه عرف زينه عرف شينه

إذا جينا على الفرحه نمر وكننا الأغراب = وإلى من نوخت ذيك الركاب الحزن داعينه

أشوفك ياشعر سجيت كنك للحزن طلاب = ونسيت الي لهم شعرك كتبته وقلت يازينه

أنا آسف نيابه عنه لاتزعل ولا ترتاب = حياتي لو خذا من وقتك الغالي تعذرينه

وأنا آسف على هذا الوقوف إن طال عند الباب = أبي منك السموحه لي ولشعري ودواوينه

أنا أدري ودك بتسأل قصيد الحب وينه ذاب = أشوفه ماكمل هرجه عن الإعجاب هو فينه

أنا ماقلتلك شعري من أول ماهو الكذاب = تبينه يكتب الفرحه ودمعي غارق بعينه [/POEM]