وجه آخر

[عائشة]

بعض الغياب يفرض علينا نفسه ولكن لابد من عودة
نغيب ، ونأتيكم بوجه آخر ..








ورجعت وحدي على الأيام أتحسر
تمر ذكراهم وهالحزن بي يكبر

حزني وخوفي وذكراهم و مشكلتي
لاجيت أسلى أحس الوقت يستكثر

أنا وهبت العمر للي وهبني دمع
أنا عطيت الأمل فرصة ما تتكرر

ضميتهم في عيوني وصارو عيوني
مسحت أحزانهم من قبل لا تظهر

مديت يدي ولكن م امسكوا يدي
وبعض الأحاسيس هشه سهل تتكسر

وأنا شعوري رهيف وداخلي طفلة
احسها لا بكت مثل السماء تمطر

كـل الأماكن أنااا فيهم تذكرني
حتى الذي تحسبونه مامهم يُذكر

سافرت أنسى ولكن ما نسيت أصلًا
ورجعت في شنطتي ذكراهم ودفتر

كتبت عن كل شي وناحت سطوري
هذا الحزن صار ينثرني على أسطر

تمرني الذكريات وحيل يكسرني
حنين يسكن ضلوعي.. ولا رضى يعبر