لاترخص حروفك

[تغريد الغامدي]

لاترخص احروفك لمن صد لوّام
تتبع خُطى المقفي وترجي ترده
الذل مثل الشوك يدمي بالأقدام
حاشاك عن دربٍ بيدميك وده
اللي يعزك ما يعنيّك باسقام
يحفظ جميلك لو همومه تهده
واللي على الفرقا عزف لحن وانغام
ليّاك تنشد غايته او تحده
من يرخص العشرة ولوطالت اعوام
غاديه يحفر قبر وده بيده
ولايهزمك عاذل وشامت ومن لام
واصبر على جرح الهوى والموده
خل الغدر يكتب معانيه بسهام
طعنه تفيق القلب والا للحده
ما كل من يخطي عذرناه بأوهام
والا الهوى لا راح منهو يرده
العمر مرة والأجل خط باقلام
وش مكسب ايامك بهمٍ تعدّه
هذا العنا وإن طال بالقلب م دام
ارفع له شراع المفارق وشدّه