حور هي فتاه في السادسه عشره من عمرها
ولدت مصابه بشلل دماغي وهي ابنه الشاعر السوري
حيان حسن
حور
كان القدر غفلان
مستني احلامو
وتاكي المسا عالعتم
والليل قدامو
ناطر ت يجي الصبح
ويغني موالو
وبيطول ليل العتم
يا حور شو مالو
غني على صدر الوجع
تا ينسى احوالو
يا حور يا شط العتب
رملك ذهب
نايم على خيالو
وحدّك بحر وسع المدى
والشعر شلالو
بتبكي .....؟
بيجي البحر وبيغمرك
والمد يحلالو
وبتضحكي
بيرقص هديرو
بيحضنك
بيقرا الك اشعار
منها العشق بيغار
(يا حور يا طفله فرح
قومي العبي لا تقعدي
في الدار)
يا حور يا
صمت الصحاري والجبال
وسهول مجروحه ملانه غلال
شوفي القمر شوفي الشمس
شوفي على صدر الزمن
شو عملت الايام
انت الحلى
انت الامل
ريح الصبا
يا نفحه النوار
يا بيوت مليانه
عبير الجلنار
مشتاق شوفك
يا عمر
تيظل شلال الشعر شلال
آخر المشاركات
11-21-2008, 09:28 AM
حور
العرض الشجري