اقتباس:
المشاركة الأصلية كتبت بواسطة ناصر بن حسين
- بسيطه جداً
تأمل الوصول لمدارات قلوبكم بعد الغياب !
هالليل : لمة عاشقين ، وأغاني
............. وآمآل ... ترقى للسما ... في سكينه
ووجه الطريق إيذمّ سُمر المباني
............. تاهت مع الظلمه ... خُطى عابرينه ؟
جيتك مواجع في قصيدة عماني
............. وارث .. مخاف الله .... من والدينه !
تعبث به إيدين الزمان : الأناني
............. وياما عتق في الثلث الآخر ... يدينه !
أذكر حنين أمي لِ صوت الأواني
............. ودلالنا : الصُفر / الصغار / الحزينه ،
ماكنها الا صُبح عيد .. وتهاني
............. شابت وطاح بتربة الصدر ... تينه !
قلت أعبر حدود الشقا / للأماني
............. وأقطف لها من بهجتي ... ياسمينه !
كنت الفقير .. المغتني بالمعاني
............. طفلٍ غرس في روض شكّه | يقينه !
هذا البلد : نورس حزين ومواني
............. فيه الغلابى ... يحتسون ... الغبينه !
ماقسى من إنك لجل عينه | تعاني
............. غير الغرق وأقصى طموحك ( سفينه )
يابن الغياب إللي يدكّ .. المحاني
............. كم قلت : برّد الشوق ... ديني ودينه
عطني من سنين المحبه .. ثواني
............. البعد جوع ... وقوت صبري عجينه !
شفني حديث الناس قاصي وداني
............. شاعر : نسى يطفي .. سجاير حنينه !
قلبه دلو واضلاع صدره | سواني
............. وجروحه الما .. والنخل رمش عينه !
لو قيل جاني قول : من صار جاني
............. هي : سطوة الدنيا / رحيلك / سنينه ؟
بعدك وحيد وغصن بلواي .. داني
............. ضميان عطف ... وصدّة الغيم شينه !
طل الشتا ولاجيتني ... وطل ثاني
............. وانا اخفي اوراق الأمل في [ خزينه ] !
لا الصبح قادر ياخذك لي عشاني
............. ولا الدرب لك : بستان من قمح وطينه
قلي : إذا مني [ برودك ] خذاني ..
............. كيف الدفى يطرق ... بيوت المدينه ؟
نُون 
|
ناصر وما ادراك ماالشعر
متصاعد شعرياً
حتى الاندهاش خارج السرب يغرد هذا الناصر
لامنافس له حالياً فكيف
بعد فتره لانه يكتب الشعر من اجل الشعر نفسه
تدفق احساس يكتب بحس مرهف شفاف
يكتب نفسه لنا بكل حاله
ودي اضع له كامرا خفيه وهو يكتب النص
اتوقع انه حتى بكتابة النص لايوجد حوله اي حركه
سوى انصات الشعرليسمع دقات قلبه
النقي والبياض والشعرثالث اشياء الساكنين قلبه
ودي لك وغلاي
[/quote]
آخر المشاركات
04-06-2009, 05:31 PM
العرض الشجري