(متحف الشمع)

[سالم الطلوحي]

منظومة بتقديم نثري , اتمنى ان تلقى ذائقتكم ولو صدفه ..




في متحف الشمع الشهير ...

مافيه بالدنيا كبير

توقف كبار الناس خلف اشكالها

هذا ملك وهذا امير...

واعتى طغاة الارض قدامك

على مكتب صغير...

ماراح امللكم معي

تاريخ واحداث وقصص

ماللملامح في دواعيها صلة

نفس اليدين اللي تلوح شامخه

نفس اليدين اللي بطشت

من دون ماتسأل بعد هالبطش

وش يمكن يصير...

وهناك دايم في الاخير

الشاعر اللي جيت ابيه

جيت اسأله

ليه البداية حل دايم .. والنهاية مشكله

جيته وانا كلي امل

ماابغى ملامح كاذبه

ابغى من التاريخ لمحة من فرص

واسمع من الشاعر قصص

جيت اسأله ...

وشلون بس يمكن تصير

شاعر ومسكين وفقير

توقف مع كبار الامم

في متحف الشمع الشهير...




, , , , , , , , , ,




قال: ابتدأ جرحك على يد مغليك

والعاقل اللي ماله احيان واحيان


انسى يطيب الجرح والجارح يجيك

واذكر يغيب الجارح وجرحك يبان


كل القصص مرت وهزت محاكيك

وأخير من زود الحكي صم الآذان


كل ماتضيق النفس ناظر حواليك

واصنع من العالم لعالمك عنوان


(خذ من تراب الأرض ماشالت يديك

واعصر يديك وشف كم طاح خوان)


جرب تشوف الصدق بعيون شاريك

واكسر بعزه ذل واصنام الاحزان


وان كنت انا همك وهمك معنيك

قضيتي بالحب حرية اوطان


ماني مطولها ولو فيك مافيك

مايرتكي للي على الخافق لسان


قلبي قبل ماتملكه ذي من ذيك

واموت لو ماني على ذيك شفقان


اعلنت قبل يجيك به من يعزيك

(ماحب اكون انسان عايش على انسان)
(ماحب اكون انسان عايش على انسان)
(ماحب اكون انسان عايش على انسان)






وسلامة قلوبكم