( فاهم غلط )

[علي المحمد]

يقول التاريخ ان هتلر كان يحب زوجته ويحترمها ولا يبالغ بالزعل والقسوه عليها

وكان النازي الراحل يلعب معاها غميما ويلعب معاها السلم والداب ... ويقولون بعد كان اذا سكر يلعب معها شطرنج ويطالع بعيونها ويقول يالبيه وتتلخبط مشاعره ويصيح

ويقولون انه قرر يحتل العالم بس عشان زوجته قالت له تؤبرني هالشجاعه وهالخطابات الناريه يا أبضاي

وبغض النظر عن شنبات هتلر وجنونه بزوجته أبي أقول شي يقرقع بقلبي للجنس الذكوري المستأسد على الإناث



زوجتك ... اختك ... حبيبتك ... الأنثى بشكل عام

ازعل عليها بشوووووويش ... ولاتنسى ان بعض الاناث أقوى مخلوق شافوه بحياتهم الحمامه

خلك اسد وقت ماتحتاج لأمانك ... وخلك حنون وقت حاجتها لحنانك

ازعل بشويش ولا تنسى إن مالها بعد الله امان الا امانك