( مـوعــد شـعــــور )

[ثاني الدهمشي]

:

[poem=font="simplified arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] ملّك العزف يا لحن المعاناه=تملك اعذار لكن منت معذور
ناي الأيام عايف كثر الافواه=ناس تطمح تعيش العمر بسرور
هذا انا انسان دلّ الضيق من تاه=بين الأوهام والأوهام محصور
مثلي كثار في جور المساواه=جعْل تِلوى مساواه اصلها جور
غابة اموات مافيها مناداه=سادها الصمت ظلما كلها قبور
جرّ يا قلبي المتقاوي الآه=إزفر الياس وابن لواقعي سور
للقدر حِكمه وللوقت رؤياه=إختر الصبْر قبْل اتْصير مجبور
والعقل ما خذل خفاق خاواه=وجهه ابيض ولا ياتيك بقصور
تقصر افْعول من هقوتْه يمناه=لا تطاوَل على الصعبه بلا شور
أقبل الصبح..كفّ الليل ظلماه=والهوى هزّ غصْن وطار عصفور
شاعر آمر كل احساس وأقراه=كن للشعر فيني (موعد شعور)
ياخذ الشعر من شاعر مزاياه=دون إشادات أو تصفيق جمهور
وبعد موته عطاه الشعر واحياه=عاش مغمور لكن مات مشهور
كم على الأرض قاع اجدب وهو ماه=يسقي بلاد مابه قاع ممطور
فضّـل الجافي لموطنْه منفاه=مبتسم وجهه وخاطِرْه مكسور
قام مقهور يوم الحق خلاه=وللأسف قبل يحكي طاح مقهور
يجهش الحزْن لا سمْع المناجاه=بين من فضفضوه بصوت مهجور
دام الإبداع تخلقْه المعاناه=مابي ابداع .. أبغى آعيش مسرور[/poem]

: