بــــآآآبـل ..!!

[لطيفه الشمري]

المؤمن اللي مااقترف ذنبً يوصله الحرام لاتقول له مالك خلاق وبئس منهو ضرّها ..! ماأُنزل ببابل على الاثنين من فوق الغمام ينفث بقايا عقدها / يشرب توالي مرّها ..! والمعضله بين اليهود وبين ذُبّاح السلام يحلها ربً كفى شر القتال وشرّها ..! والطاهر اللي قدم لربه تلابيب الغلام مافكر بفقد الضنا / دمعه يوسم حرّها ..! تشكلت ارواحنا صمتً يعريه الكلام خنق حروف المترفه صدرً تعب من زرّها ..! قصاصنا عينً بعينً تشتكي طول الظلام واللي عفا يلقى جزا كبر العطايا برّها ..! واللي موصي [ جُنُفَاً ] ماينفعه كثر الملام لاجارت نفوس الطمع / كذب الاماني غرّها ..! الرفث وافطار الجوارح مايتمم لك صيام نفسً تبي تطغى على شوك المعاند جرّها ..! لاتستفز الاه من انثى يبللها الغرام استسقت لبوحك مطر حرفً يشابه درّها ..! قوّام لانك تحتوي عشقً يذوقك الهيام ولا القوامه بالاصل / كيد الغواني سرّها ..!