يجي غيرك ويآخذني لْدروب أجمل من دروبك

[تفاصيل منسيه]

السلام عليكم ورحمة الله وبركاته

صباحكم سعاده وحب وامان وراحة بال بإذن الله
نص وليد اللحظه اتمنى ان ينال استحسانكم أحبتي




:: أقول ::






تغيب تغيب وعيوني تدور للغياب اسباب
عجزت افهمك سامحني عجزت اتقبل اُسلوبك


انا ما اعرفك خاين اناني مفتري وكذاب
انا ما اعرفك اصلاً ولا همتني عيوبك


تعبت اشيّلك بقلبي ملامٍ في ثياب عتاب
تعبت أصدقك وانته نسجته بالكذب ثوبك


من اللي أقنعك بإنك خطا من طاح به ماتاب
نفوري منك يثبت لك بإني أقدر آتوبك


تغيب وكل هالعالم (وجودٍ) ماوراه غياب
يجي غيرك ويآخذني لْدروب أجمل من دروبك


أنا لو مابقا غيرك بهالدنيا بشر وأحباب
ولا افكر أحبك من جديد وْلا أجي صوبك


كفايه خيبة الماضي,,وحاضر في شروقك خاب
أبي مستقبلي خالي من الخيبات بغروبك


تغيب تْغيب وما ألقى لْغيابك حجه وْأسباب
لذلك غبت عنْك وعذري بْنسيانك(أسلوبك)



:: وسلامتكم::






تفاصيل منسيّه