(( أبْــيَات لَيْسَ لَهَــا بَيــْت ...!! ))

[زايد الشليمي]

:
يَاصَاحِبِي شِفْلِي معَ الناسْ صِرْفَه
عجزت أفهم مجتمعْنا لهالْحين
؛
الجَرْح.غَايِر.. ماوقَف .. فيه نزفه
ماضمّد المجروح موت السكاكين
:

ياصاحبي صار الفضا... زي غرفة
منهو ينام .. وكان في ذمّته دَيْن
:

والله ماندري على أي ضِفّة ..
عقّال تبغى أوْ .. ..تبينا مجانين


ياصـار ميـزان العـدل بـس كفّـه
عادي ترى مايفرق الزين والشين
:

نعطي ولاتحسب عطيناك سلفة
نبغى نحس إنَّـا من الناس غالين
:

أحيان من دمّك..معْ عُفُون صُفّه
منَ الحيْ ميَتْ ...يخرج الله شكلين
:

لاتنتظر ....من شحَّتْ يديه وقْفه
حتى لونّك شايله... بين ضلعين
:

صار الرّدَى ..عند أكثر الناس حِرفه
ياقشرها ياصرت ....تقدر ولاتْعيـن
:

وينك ((محمّد)) ..صاحبك حل حَتْفِه
وينك تجي خابرك صاحب على الدين
:
خوّة ...وفزعة ..والندى كان كفة
كأن ربي خالقه ........ للمساكين
:
أ




: