عيد قيران....

[سعد المطلق]

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]نجم خفت وأنا أحسب النجم سهران=لكن تلاحقت القصيد وضويته
أتعبت رجلي وأدبح الليل سمران=يالله تسهل دربي اللي سريته
إن مالفيت بطيب ماجيت نكران=والطيب رده واجب لا قويته
ترزف على صدر السماء سود الأمزان=وأنا هجوسي هاج بي وأبتديته
وين الجمل؟شف الجمل ذاك شقران=اللي اليامن ضاق صدري نصيته
قلي خوي.وأقولك عيد قيران=قلي وفاء وأقولك ذاع صيته
لا ثار من صوب المعادين دخان=عزالله إنه عزوتي لا نخيته
وإن عودت ربع وصداقه وخلان=إن ما دعاني بالمواقف دعيته
حبل الوفاء مايقطعه كاين كان=والله لويطلب حياتي عطيته
من كثر ماحنا على قلب واخوان=لوينقطع يومين مريت بيته
أصبحت أسير الطيب والطيب سجان=بأسباب رجل كل ماضقت جيته[/poem]