وجه وظفاير ..

[الجفول]

بالدار جنـي وجنيّـه

والفكر تتراقص جنونه

يالليل مافيك حنيّـه

والصبح مانعرف لحونه

(( وجه وظفاير ))

مليت من غربه وترحـال وهمـوم

ومليت من فكري ومن حال جاير

حتى المكان اللي انا فيـه ملـزوم

مل التعـب كنـه يهـل العبايـر

احيان اخاطب ماكويته من هـدوم

واسمع صداها بين لعـب الستايـر

اسكت وعيني شافت علوم وعلوم

ناسٍ تجي وتروح وسـط العوايـر

مشيتها ياما علـى بالـي حلـوم

لين اتضح مابيـن وجـه وظفايـر

لاياصديق القـوم لاتعلـم القـوم

خل الذي صاير ولاكـن صايـر

هذا المطر ينزل وحنـا لـه غيـوم

والخوف مالـه دار بيـن الزرايـر

خلك كذا انسان بالحس معـدوم

والا تذوق مـن الدوايـر دوايـر

حنا رفاقـة درب محتـاج لعـزوم

ولانحسب حساب العنا والخسايـر

الصبح كنه من قسى الليل ملطـوم

والناس ماعـادت تحـب البشايـر

ياصاحبي مجلاسنـا كلـه نجـوم

وذاك القمر واقف ولاهـو بحايـر

واللي تشوفه صدق لا مانت موهوم

سولف ترى مافيه ضيـق وعزايـر

ديارنـا غربـه ومجلاسنـا همـوم

بنعيش ولو هالوقت بالحيل جايـر

مخرج

يالله تفرج عن السهران

اللي قضا وقته يحاتـي

مشتاق لمصافح الاوطان

والخوف كله من الآتي

رائعه تلك الباقات التي سطرتها لنا عزيزي
والأجمل البدايه والنهايه و طرق الهجيني الذي نشتهر به نحن قبائل الشمال ويطلق عليه الكسره عند قبائل الجنوب

يا الجهني رائع بكلا الطرقين

والله لا يضرك

تحياتي