من هو يشب الحب في قلب مطفي
........ ومن هو بأحاسيس الغلا يستثيرك ؟
تعبت انا اشحذ في سما الحلم كفي
........ ضامي : ولا بل ( الآماني ) مطيرك
مبطي وانا آواري عن الناس شفي
........ والياس ، ينحرني على صخر بيرك!
البارحه بين ارتجالي وضعفي
....... ربكه ؛ وبكره لو هويت اش مصيرك
قطعت في رحلة شقاالعمر نصفي
....... والباقي انت : ولا ابي عمر غيركُ
تجري بي انهارك من الياء لـ الفي
...... وتزم في الاعماق ..َ ُ وردة عبيرك
محتاج بين ايدينك البيض اغفي
..... ولصبح بسماتك وداجي حريرك
(لو قلت آحبك) ماتوفيك نزفي
..... اشوف نفسي قدم حبك صغيرك
علمتني بآن الحزن شي ضرفي
...... وان الهوى لاهب , مايستخيرك
والدمعه اللي بين صمتي وحرفي
...... تحفل بها عينك وتنطق ضميرك
تقول ماغيرك هوى انسان طرفي
...... واقول ماطرفي هوى آنسان .. غيرك
آخر المشاركات
10-17-2010, 06:26 PM
العرض الشجري