[ فهرس لـ أبعاد ذائقتكم الشعرية ] .. ؟!

[فرج البلاز]

[poem=font=",5,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]






في وصف عينه كمال الوصف حيث انّه=توصف بعين الفريد وعيـن شيهانـه



اهدابها من سيوف الفـرس والسنّّّـه=مثل العسس ماتنـام الليـل سهرانـه



لاسبل الرمـش غطـا ناعـم وجنّّـه=في حالة انعـاس والا شبـه نعسانـه


عليه قلبـي ينـوح ويزعـج الونّـه=ينزف ويدفع ثمـن بوحـه وكتمانـه



من سالف النظره اللي عنـي وعنّـه=تعانقـت بيـن حرمانـي وحرمـانـه



لابـارك الله بطيـبٍ يتبعـه منّـه=ينعـاف زوده قبـل ينعـاف نقصانـه



لو شـاع فعلـه وصيتـه ذاع لكنّـه=تجارةٍ بالربـا والغـش خسرانـه



الطيب ينعاف ياأهـل الطيـب لامنّـه=مارجّّّّّّح الطيب وأهل الطيـب ميزانـه



الشكـر والفضـل والعرفـان والمنّـه=للـي رفـع رايـة الأسـلام سبحانـه



اللي عن أبليس حـرّم ريحـة الجنّـه=يـدري بعبـده ومايضمـر بوجدانـه



ماكل شخصٍ يحفظ السـد ويكنّـه=خطو الرجل يكشف المستور بلسانـه



خوفك من اللي بوجهك يضحك بسنّـه=ومن حين تقفي رماك وصرت نيشانـه



وخويك اللي من اول محسنٍ ظنّـه=وعديته اخوٍ وهو عدك مـن اخوانـه



لاجـار وقتـك جفـاك وصـد ماكنّـه=كانت لك بوسط قلبـه منـزل وخانـه



ماغزر بعينـه المعـروف غيـر انّـه=كشر بنابـه عليـك وشـن عدوانـه



واللي بدر منك عكس اللي بـدر منّـه=والكل منكم يسـوي بأصلـه وشانـه[/poem]

الشاعر / دحام الهذال