... السنين الجميله ....

[عبدالله الطفيلي]

السلام عليكم ورحمة الله وبركاته

مرات أحس أني جسد فاقـد الـروح
يرزم ورى حدب الضلـوع النحيلـه

..
وترحل به الغربة على التيه والنوح
وتهـدي كتوفـه للحمـول الثقيلـه

..

ومرات أقول أحيان يقلقنـي البـوح
ومن وين ماوجهة كيـف الوسيلـه

..

مسموح ياحظي على ايش مسمـوح
على بخل كـف العطايـا الهزيلـه

..

اللي خذت مني مشاوير واصـروح
وأحلام من دنيـاي ماهـي قليلـه

..

واللي اسرقت من خافقي كل مصلوح
وشبت شرايينـي فتيلـه .. فتيلـه

..

كم لي أناشد عازف الفكر بوضـوح
من وين اغني بالطـروق الطويلـه

..

عمري تقاسيمه حكايات واشـروح
واصدق صور فيها معانـي جزيلـه

..

حتى السوالف أصبحت صوت مبحوح
بعد انزحت نبض السنيـن الجميلـه
..

قولوا لمن ردد مع الطايـر الـدوح
لحن الخليل اللـي تناسـى خليلـه

..
أن الليالي الجهم ما تدمـل أجـروح
وان المفـارق عودتـه مستحيلـه