فتات الخبـــــــــــز

[ماجد العزلي]

أستبيحكم عذراً على هذا الغياب ....
فأردت إرضاء الشعر ...



[poem="font="simplified arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]فتات الخبز وخيوط العناكب وافتقاد الذات=وكوخ(ن) بآخر الوادي وطفل(ن) يعلن التوبة
ملل ذاك الطريق اللي من إحساسي بدا يقتات=سقيته من كرز حظي منابع عشق وعذوبة
ملاك الطهر سميته رفض يسجد بحظن اللات=تمكن بي وحبيته مواطن وأرض مغصوبة
على شآن الشعر باصرخ وأطمّن هادم اللذات=قبل لا يلمس ذراعي يفك اللغز بأعجوبة
سما لون المسا وأقفى وعزاني بفكر(ن) مات=رفعت كفوفي العذراء عسى الله يغفر ذنوبه
لك الله والمعاني تلتحف صدر الحياء بسكات=لعبنا في مراجيح المشاعر أحسن إلعوبة
أنا والشعر طفلين(ن) رضعنا من قسى اللحظات=تنثرنا مثل دمعة فقير(ن) يخفي عيوبه
يموت الشعر بعيون الأرامل والشقى والآت=وينبت في طرف ثوب اليتيم وخد رعبوبه
صحى وجه الضرير اللي بدا يقرا من الآيات=كأنه طفلة(ن) تشكي وجعها بأرض بعقوبة
نحيب الغيم يجذبني على قطر الندى هيهات=وأهدي موقفي وأعلن هذيك البنت موهوبة
خجل عرق الوفا ينبض على مسرح صدى الآهات=يردد للزمن قصة وجعنا صارت أكذوبة
شعوري جمرة(ن) ذابت على ثلج الغلا وإن فات=وبنت الفكر مازالت بشرعي بنت مخطوبة
فتات الخبز وخيوط العناكب وافتقاد الذات=وأنا والكوخ وإحساسي رفضنا نعلن التوبة[/poem]