أيُّ حُزْنٍ .... ؟!

[أحمد الحربي]

ثمان سنين لا شاكي ولا حاكي ولا فضّاح
............ ثمان سنين عرّاها مزاحي في شتا جِدي
ثمان سنين لا صابر ولا ساكت ولا مرتاح
............ ثمان سنين عن ستين يا وارث دما جَدّي !
أدّرجها .. وأقول الله يعين اللي شبابه راح
............ مع اني عارفٍ وش تالية ما تزرعه يدّي
أشيل من الهموم جبال ، لو ما شفتني نوّاح
............ أكابر وآتصنّع وآتجاهل ما وقف ضدّي
أنا يا بوي وان زاد الكلام وقلت الأرباح
............ سجنت الروح في سجن الشقا لين انكشف سدّي
نخيت الدمع .. بس الدمع .. ما طاع الضعيف وطاح
............ وانا محتاج أسّيل مع دموعي صرخٍة قدي
تعاتبني ولا تدري يا بوي ان العتب ذبّاح
............ تعاتبني وانا مـ اجيب في أمري ولا أودّي !
ثمان سنين ضاعت من حياتي والسنين أرواح
............ ثمان أرواح ماتت في عيوني واخلفت عدّي !!


شِعْر : عبد الله ناصر العتيبي

 

[أحمد الحربي]

على الحد الذي يفصل نهايات السهر ..
عن اول حدود المنام
قمت اصحي ذكرياتي :
وقت .. وقت ..
وأرض .. أرض ..
وطيف .. طيف ..
قمت اصحي ذكرياتي :
ذكرى .. ذكرى ..
لين وجهك طيّر رقاده وقام ..
قال : من ؟
قلت له : صبحٍ يحبك
قال : احبه
قلت : احبك
يا اطهر من الصبح الابيض ..
يا أرق من الظلام
يا شعور الأرض بالما ..
يا شعوري بالسلام.


عبد الله ناصر العتيبي

* لاَ عَلاَقة لِ الصُوْرَةِ بِالنَصِّ .. فقط اختارتهما الذائقةُ معًا .! أ.ح

 

[أحمد الحربي]

عصفورة الشباك :


يا نيّة الفجر يا عصفورة الشبّاك
الليل .. بيت النهار و دافي اثيابه
0
والحزن قصّص جناحينك و هد اخطاك
الحزن .. دوزن على صوتك و غنّابه

الحزن لو دام .. ما خلّى القبور اهناك
الحزن .. حتي الطفل يبكي على العابه
0
الحزن لو يذبحك مرّة .. رجع و احياك
الحزن .. بشرى فرح للعمر .. بوابه
0
يا كبر روحك .. و ياكبر الحزن ويّاك
قامات حزنك مثل هالروح تتشابه
0
تنسين نفسك و نفسك ما تبي تنساك
طيري عن الحزن و انسي تافه اسبابه
0
قومي مدام السنين تغرد بدنياك
و الباب كان ايتذكّر فيك غيّابه
0
طلّي على الورد و يسلم على يمناك
طلّي على العطر و ايسافر مع احبابه
0
و انا لي ادموع و احساس و عقل و ادراك
ما تكذب ان سولفت … و الناس كذّابه

خالد المسعودي

http://www.movn.net/voices.php?action=show&id=1212

 

[أحمد الحربي]

الدمع هذا سيرة الحزن و الملح
لكن ادموع القلب الدّ و ادهى
0
معنا كلامٍ مثل الاطفال و الصبح
و سوالفٍ كانت قصيد لوحدْها
0
واهمومنا بعد الزعل نبدي الصلح
و قلوبنا كانت حناجر جسدها
0
كان الزمن يا صاحبي و جهه السمح
امٍّ تصلّي لاجل يكبر .. ولدها
0
والحين حتّى الجرح ما املك الجرح
عايش .. ولكن عيشةٍ من بعدها
0
احب و اكره اشرب الذم و المدح
متساوينٍ طيـب الحيـاة و نكدها
0
عنها اتذرّى بالمسـافات و المزح
لو صابني سـهم الحنـين لبلدها
0
و العاشق اللّي بايده الورد و الرمح
يبقى عظيم ان وصّل الورد يدها

خالد المسعودي


http://www.movn.net/voices.php?action=show&id=2658

 

[أحمد الحربي]

أدراج حزني :

ان شاء الله
..
..
..
..
..
..
..
بكرا










يردون الاحباب
______ و امسح دموعن غبّرت من سفرهم
ودّعتهم و الدمع بارد و ينساب
______ ولما وصل لادراج حزني حفرهم
و ان جيت ابخفي عبرتي صرت كذاّب
_______ و انا الذي كنت الصدوق بنظرهم
تشتمني الفرقى و يصفعني الباب
_______ لا جيت وحدي بس اقلّب اصورهم
و اقرا دفاترهم و اسولف للالعاب
_________ لعلي القا خصلتن من شعرهم
هاذي خطاويهم على قلبي اهداب
_______ و هاذي ملابسهم و هاذي اكورهم
يارب ما يبقى بهالارض غيّاب
_______ يارب تدري .. مت و انا انتظرهم


خالد المسعودي

بصوتِهِ :
http://www.movn.net/voices.php?action=show&id=2659

 

[أحمد الحربي]

الْأحَبَّة:
عادل بدر , خنساء بنت المُثنّى , آهات الوله ,
الريم , سحر المسا , عبدالعزيز رشيد
لحظة , خالد صالح الحربي , عبدالعزيز محمد المالكي ؛

شُكْرًا لَكُمْ , شُكْرًا كَمَا الْمَطر
عَلَى مُتَابَعَتِكمُ وَ إِثْرَائكم لِهَذَا الْمُتَصَفَّح بِ حُروُفِكُم وَ اخْتيَارَاتِكُم ..
شُكْرًا عَلَى مُشَاركَتِكُم حُزْني , وَ مُشَاركتي أحْزَانِكُم ...
وَ اعْتَذِر لِقُلْوبِكم عَنْ كُلِّ ألْمٍ سَبَّبَهُ الْمُتَصَفَّحُ لَهَا ,
وَعَنْ كُلِّ حُزْنٍ أعَاد نَفْخَ الروْح فيْه ...

[ أبْعَد اللهُ عَنْ أرْوَاحِكُم الْحُزْن , وَ دَامَت أيْامُكُم سَعيْدَةً تََنْبُضُ بِ نَعيمٍ لَاَ يَنْضَب]


مَحَبَّتي
أحمد الحربي

 

[بعد الليل]

أنا هذا الحنين اللي تنامى قـَدّ ما أخشاه .
................................ حزِن عمْر الثلاث سنين في زحمة متاهاتي

وجيت من افتقاد الذات من أقصاه لين أقصاه
................................أدوّر في جيوب الحلم بنت ٍ عمرها فاتي

ولابه لون من قوس القزح أو ربكة الفرشاه ..
................................ولابه من قصص ذاك الخيال المر" مولاتي"

سوى الخذلان / واحزان الخفوق المنفلت بجفاه
................................وفرقاً بين أحب الناس وين آدّس دمعاتي ؟

ترى هالبيت من دونك/ حِضِن سجْن وقوافل آه ..
................................ولا أبغي بعْد هالفرقا " يأسمتني " معَ ذاتي

نشِفْت .. ولا بقى بي غصْنٍ يْثنّي خضَار غْناه ..
................................إيلين إني تكسّرت وذرَت هالريح مأسـاتي

نثرت بوجه هذا الحزن صمتي واحتسيت ظْماه ..
................................ثلاث سْنين يهديني التعب واهديه بسماتي

ثلاث سنين كم مرّر على وجهي صور ذكراه ..
................................ولا مرّيت في ذكراه صوره من حكاياتي .. !!

حزِن أخضر .. وقلب ٍ عكس هذا الحزن لو تقراه ..
................................تسوّره اليباس ونبْت بين عيوني سكاتـي

وانا كلما تذكرت الثلاث سنين ..يأللـــه ..
................................أحس إني اموت وينولد بي حلْم ما ماتي !

أنا ما كنت لا طفلة دلع و إلا فتاه لـ جاه ..
................................أنا يا دوب بنت ٍ ضوّت الوحِده كتـاباتي

تعودّت أفقد أحلى شيّ فالدنيا وأقول انساه ..
................................وإذا مني ذكرت إني نسيته ذبلت شْفاتي

تعودت آغدي دمع ٍ كثيف وْ لا يْتساقط ماه ..
................................إيلين أسدل ستارة وحدتي وآفــلّ عبراتي

تعوّدت أذري عْيوني لـ طيف وأستفز أشباه ..
................................و أموت مْن الشبه والطيف لا يرحل ولا ياتي

تعودت آخذ الحزن العتيق /أجمل/ بكل أشياه ..
................................إيلين أصبح خوييّ في طموحي وانكساراتي

ثلاث سنين .. من قال الفراق اللي تعوّدناه ..
................................ينسّينا عمــود البيت لا نسأل ولا نــحاتـي !!

ثلاث سْنين ..ما مديت فيهن عيني لمرآه ..
................................سوى لمصافحة حزني على تلويح مرآتي .. !

ثلاث سنين مهدومه /حزينه/باهته مُطفاه ..
................................ولا به شي ٍ يْضوّي بعَد هالحزن شمعاتي

يبَس صوت الفرح فيني وانا قبله يبست وتاه ..
................................صدى هالبهجه اللي نغنغتها سكنت شْتاتي

على نفس الطريق المظلم اللي ما نسيت خْطاه
................................مشيت اليوم .. ليت اليوم.. ما كملت خطواتي

الجازية

 

[بعد الليل]

بعض الفرح لا لفى .. يحتاج له تهيئه ..
.......................... وشلون بالحزن لاباغت بليّـا صهيـل ؟

كنّه كذا عرش نخل ٍ جيت تتفيئه ..
..........................واثـره مـعرّيته ام الـريح مابـه ظِليـل

تغتاله الشمس لو عدّت ظِلاله مئه ..
..........................واتمحور اللي بقى منّه : عطيّة سبيل

ما كنّ هالأرض / ذول الناس/أيّة فئه
..........................ذرّوا على شان توديعه زهور الرحيل

شرْط الغياب : التعوّد ، كيف نستمرئه ؟
..........................حتى لـوْ إنّـا تعـوّدنا الغـياب الطويـل

أقساه ، لا والله إلا ارداه ، لا أسوأه :
..........................اللي يلقّـم أمانـيـنا فَـمْ المستحيـل !

لا والله إني من الخذلان ما آبرئّــه
..........................كانه تمادى بنـا حلم وحصـدناه ويـل

ما كان يعني من الأوّل قبل نملأه
..........................بالصبر ، يهدي تضاريس الوداع الدليل؟

ماكانت الروح ؟ أصل الروح : متلألأه
..........................تومض على شفّة السعْد اْبتسامة جليل ؟

يْـحقّ لي آتعـاطـى الجـرح ذا وأنكئـه
..........................ماهوب حزن ٍ عَرَى هالروح حزنٍ قليل

كانت كذا : تدحض الضيقه بلا تأتأه
..........................إليـن صارت تزبّنهــا الخفوق النـحـيـل

كانت كذا : تلطش البرد ويجي أدفئه
..........................إليـن غـلغل جمـود البـرد قلـب ٍ شِعيـل

كانت كذا: تاخذ الغيمة مطـر تهنئه
..........................وتْـزّيـن المـاي بألوان البزوغ الجميـل

كانت كذا : تعتبر نزْف القصايد : رئه
..........................إلين صـار القصيد النزف ضيف ٍ ثقـيل

ومن كانت إلين صارت شاحبة مُطْفَئه
..........................وانا آتنـثّـر علـى آخـر مـداها غـليل

اخترت أخوض الوجع هذا ولا آهدئـه
..........................قبـل يْتـوالـد شـعور القـاتل اللي قتــيل

قبْل يْتنامى الملام / الوخَزْ /والتخطئه
..........................أبـآرِد الـمرّ لـيـن آصدّر السلـسبيل

وأتهيأ الحزن لا منّه لفى و أبـدئــه
..........................واصيح بي لاتسرّج خاطري: خيل خيل .. !

الجازية