ماتعتبر ياقلب

[حسام المجلاد]

تمد من طيبتك ياقلب بإسهاب
ولاتفرق من عدوك / صحيبك

اشوف ماكفتك طعنات الاجناب
زودتها.. حتى طمع بك قريبك

يامفترض لطعون سكانك أسباب
جارحك لو _تغليه_ ماهو طبيبك

لاعاد تشكي لي سكاكين الاحباب
هم ماتمادوا غير من زود طيبك

انت أكبر ذنوبك وفي.. منت لعّاب
وبعيونهم برق السحايب.. يجيبك

ياللي على النية ولاتحسب حساب
في هالزمن هذا مزاياك.. عيبك

ماتعتبر ياقلب من كذب الأصحاب
مدري قرادة فيك ولا نصيبك

ياكثر ماجا جوفك اقراب /واغراب
ومع كثرهم ماشفت من يعتني بك

هي كم جرة فيك ترجع لغيّاب؟
راحوا، وانا من عقبهم مبتلي بك

تسقيهم احساسك ولاتبدي عتاب
ليا رموا، صُمّ الصخر في قليبك

هم يضربون إن خلص اللازم الباب
وانا الله يعظم جزاي بنحيبك

*القليب، بئر الماء

 

[رشا عرابي]

وحده القلب جابي الخيبات
كـ وحدة تخزينٍ شجيّة الحواف


لقلبك السلامة
ولنا من تباريح بوحك جمال الإنصات

 

[سيرين]

لاعاد تشكي لي سكاكين الاحباب
هم ماتمادوا غير من زود طيبك

انت أكبر ذنوبك وفي.. منت لعّاب
وبعيونهم برق السحايب.. يجيبك

ما اقسى حين تصبح مرافيء القلب الوفي غير آمنة
هنيئاََ لحرف تكاثف به الضوء قلائد من فرقد
مودتي والياسمين


\..

 

[إيمان محمد ديب طهماز]

يامفترض لطعون سكانك أسباب
جارحك لو _تغليه_ ماهو طبيبك

لاعاد تشكي لي سكاكين الاحباب
هم ماتمادوا غير من زود طيبك

صدقت والله .. هذا هو حال القلب الطيب
القلب الذي تعود الحب و العفو و حسن النوايا
ولكنه سيكون بخير
و الله معه لو خذله العباد

سلمت أناملك
قصيد يلامس شغاف القلب

 

[ساره عبدالمنعم]

حرف في الصمييييم
مبدع انت

 

[محمد آل وافي]

تمد من طيبتك ياقلب بإسهاب
ولاتفرق من عدوك / صحيبك

اشوف ماكفتك طعنات الاجناب
زودتها..
زودتها..
زودتها.. حتى طمع بك قريبك

ربط جميل بين العطاء والعناء أكدها قولك :

لاعاد تشكي لي سكاكين الاحباب
هم ماتمادوا غير من زود طيبك

ياللي على النية ياااااااااه " ليش صارت طيبة النية عيب "

هم يضربون إن خلص اللازم الباب
وانا الله يعظم جزاي بنحيبك

الله يعظم أجرك يا مبدع

صح بوحك

 

[سلسبيل]

دائما مبدع
دمت متميزا

 

[وليد الفالح]

حضور طائره للشعر الجميل الجزل
صح لسانك شاعرنا