نَافِذه !

[سعيد الموسى]

__

جينا نمّثل ..
ياساره !
نلبس وجه -
ونرمي وجه !
نكتب - نكذب
نكذب - نكتب !
كم شاعر ياساره
فاجر !
متلوّن .. كاذب
ماهر !
الواقع هذا ساخر !
واللي تمزج
قصّة ناس !
حتّى هيّ
حثالة ناس !
جايه من رحم
الخنّاس !
شيّ يحط العقل
بكّف !
أف ياساره ..
والله أففف !
مافي ناس تحب الورد
مشغولين برمي النرد !
-
قلنا نتلو بعض الشعر
قالوا عطنا بعض العهر !
قلت أتغيّر !
بس أزريت !
روحي شبعانه
من زمزم !
صدري شوفة عينك
محرم !
قلت أزرع لي
بعض الشعر !
لكن عيّا فيهم
يثمر !
شلت اشجاري ..
من الاعماق !
باطن هذي الرمضا
ضاق !
-
ياساره نهرّج
ونمثل !
وانتي تبغي
الشعر الأجمل !
الله يسامح
من ربّاك ..
ماقلّك بالورد
أشواك ؟
جايه من أقصى الغيمه ..
روحك هالبيضا ترنيمه ..
وتظنينا
سادة " عطر "
غلطانه ..
يابنت الزهر !