نَافِذه !

[سعيد الموسى]

_______

*


أعبري بالصمت ..
صوتي !
في حبال الشعر ..
فوتي !
في مشدّه - دون شِدّه !
في ضلوع الصدر
عجزه -
ياللي أصدق وصف :
حرزه !
هاتي شَعْرك - مرريه
بين كتفه - وبـ يديه !
للشعر هذا : جسد
جربي إنِك تلمسيه !
جربي إنِك تحضنيه !
قطعةٍ منّي : خذيه
وبجبينه : قبّليه
أحفظيه من العُقد ..
أنفثي عنه : الحسَد !
صيري أمه ..
صيري بنته ..
صيري صحراءه ونبته !
صيري : ضيّه بالظلام - أعبري به هالزحام - شكلّي بعضه غمام !
وأمطري به -
بلليه !
لين ينبت فيك - منك
ياحبيبه ..
ياحبيبه ..
شوفي الدنيا - غريبه !
لا تغرّبتي .. أسكنيه !
موطنك شِعري - وصدري !
هاكِ الأوراق - وأقري !
هو بعد هذا : ورق ؟
قولي إنِك : بنت شِعري !
وأسألوا هالناس : تدري
من يقول إنِك : بدون ؟
وأنتِ للأشياء - لون !
ماوهَبه الله .. عيون !
قولي لهذا : الزمن !
أنِك لوحدك : وطن !

______

*