أيُّ حُزْنٍ .... ؟!

[أحمد الحربي]

رجـاءً ، غـيـبـي مـثـل الـنـاس !!




غيابك ماتحملته ..
يرّد الصبح ..
من عشرة صباحات ..
ويرد النور
يمـِّد من الليال شهور
يتعـّبني اذا اخفيته..
يتعـّبني اذا قلته !!



غيابك ماتـخيلته ..
يـمسيـّنـي بأشجاني
يصبـّحنـي ثقيل حضور
يباكر مع شروق الشمس ..
يحييني : مساء الديـجور !
غيابك لو تجاهلته ..
يودّينـي عن نصف الصبح ..
لليلٍ ماتـحملته ..
ولكنه يوديـّني ..
لو اني ماتـجاهلته !!



غيابك ماتحملته ..
يااحلى واغلى كل الناس ..
مدامك حـرَّه بغيابك ..
رجاءً غيبـي مثل الناس
انا والله ..
عجزت اخلـَّى احساسي..
بغياب الناس وغيابك ..
نفس الإحساس !!
غيابك ماتساهتلته ..
وقـَلـَب عمري ..
قـَلـَب صبـري ..
قـَلَب في قلبي طاولته !!



غيابك ماتحملته
وإذا غبتـي عن احبابك ..
رجاءً خوذي غيابك ..
مادامك ماانتي مثل الناس
غيابك مختلف جداً ..
هذا اللي ماتـجاهلته ..
وبـدَّل لي صباحاتي..
بليال اليأس
ولكنه يبدّلـها ..
غيابك لو تـجاهلته



في كل غيبـه ..
رجاءً خوذي غيابك
رجاءً خوذي غيابك ..
معك عنـي !!
هذا اللي عـذّب احساسي ..
وكم زعـَّل علي ناسي
وزعـلـّني علي منـي !
في كل غيبـه..
رجاءً خوذي غيابك ..
هذا الـممعـن بتخريبه
لعلاقاتي
يتعامل في غضـب بإسـمي !
يتعامل في تعـب بإسـمي !
كأن روحي ماهي روحي ..
كأن قلبي ..
لا والله ..لا ..
كأن جسـمي ..
كل جسـمي ماهو جسـمي !!

في كل غيبـه ..
رجاءً خوذي غيابك ..
هذا العابث بألاعيبـه ..
بأوقاتي ..
يغيّـرها، يبعثرها
يطولـها ، يقصـرّها
يأخـرها بأساليبـه !!

غيابك ماتحملته ..
ياهـمـس العطر
شـمـس النور
طبيعي يوجـع غيابك .. !!
يـمّد من الليال شـهـور
يـمّد من الشهور دهــور
ويتـعـّبنـي اذا اخفيتـه ..
يتـعـّبنـي اذا قلتـه !!!



محمد صلاح الحربي

 

[عبدالعزيز محمد المالكي]

آآه .. يا خالد
موجع هذا الجمال صدقني

 

[عبدالعزيز محمد المالكي]

مدميٍ ساق
للشـاعر : خالد الداودي

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]وآقول لليل ما ينبت على اجفانه=آخاف لا هزّ جفنه يطيح بأحداقي
لعنت انا البرد ينعم دفـو سيقانـه=وآويته بكتفي المتعوب واعناقـي
من علّم الشمس تآخذ نور تيجانه=تعكس سرابٍ يبدد هاجس نياقي
يا لوعة الصمت بين اذنه وصّوانـه=القى صداها يترّدد داخل اعماقي
من ضجّة الشعر فيني خنت اوزانه=مع قافية فكري الممتد وإطراقـي
احرث يباس الوريد بمنجل احزانه=واجمع حصاد الغرام بسلّة أشواقي
من قبل تلفي علي شموس هجرانه=ضيعت فيها مبادي حمرة اشراقـي
وبّخت عينٍ تمر حقـول رمانـه=واغرزت شوكٍ يصب المر تريـاقِ
تنحت تضاريس هذا الصبر بيبانـه=وأتجغرف ارضٍ تبيع الحلم والباقي
مساحةٍ جزرها التعبير يـا دانـه=البحر اقرب صديق يفّكر اغراقـي
ظلالة المد تجهل هـدي شطآآنـه=وأنا جهولٍ أدور شط لـإرهاقي
آغنيّ للجرح يآبه لأجـل تحنانـه=اقول يآبه يا دجله وماني عراقـي
في ثلث بوحي يثور الجرح بركانه=وأخمده في ثلثي المسكوب بأوراقي
يا سيّدة حلمي المكسور باركانـه=تعبت ادور قلوبٍ تعشق اخلاقـي
من شح دلوك عليّ وجدب غدرانه=تلّيت جرحي وجيتك مدميٍ ساقي
اهديت صدر الحنين عيون سهرانه=وآثرت عزفي على قيثارة اعواقـي [/POEM]

 

[عبدالعزيز محمد المالكي]

* اغلى الاماكن

للشاعر : شامخ الرشيدي

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]على هامش حياتي .. تكبر احزان وتموت آمال=تحت ظل الظروف اللي .. مرابعها .. ورى صدري
كبرت .. وشحت ارضي بالعطا .. والشح فيها طال=وانا ادعي ..يا عسى خيط الامل ما يحرقه جمري!
تموت من العطش غابة ..واردد للشجر لا مال=سقاك الغيث .. يا ظل السباع .. و راحة القمري!
بعد صارت جفاف .. وما لقى قلبي بها مدهال=بعد صارت ..عروش ٍ خاوية .. قلت : اغتنم عمري
نويت ارحل .. مع انسام الهبوب .. ومع سراب اللال=نويت اشطب على سود الظروف .. وحيرتي بأمري
وقفت .. اجمع شتاتي .. والزمن فرقى .. وضيقة بال=وقفت .. ولا قدرت اصمد ..وخفت ابكي وانا ما ادري!!
تقبّلت الظلام .. ووحشة الطرقة بعزم ابطال=تناوشني.. مخاليب الظروف .. و تنتظر كسري
تركت اغلى الاماكن .. تحتظن حلمي .. وراس المال=وانا ادري.. لو قسى حكم الزمن .. تبقى على خبري
رحلت .. اشرب مع انفاسي ضما .. والجوع ما له فال=رحلت .. وقلبي ترفرف عروقه .. تفتقد وكري
رحلت ..اكابد الغربة.. واساير ضحكتي محتال=وحيد .. افرش من احزاني بساطي .. والتحف صبري
بقى لي .. وش بقى لي .. يا ( صدى صوتي ) ولا ينقال=سوى صوت ٍ .. ولو ما له صدى .. ما اتوقعه جهري!
بأجر الصوت في قمة جبل حاطت عليه اجبال=وابي تسمع صدى ٍ يدفع صداك.. ومنبعه نهري
بأجر الصوت .. في جزل الحروف .. وزفرة الموال=قوي ٍ دافعي .. واسكب على صدر الشعر .. شعري
تعيش اظروف .. وتموت الشيوخ .. ويكبرون اطفال=وانا مثل الفضا .. ما نزلّت بأسمي ولا قدري
انا شااااامخ .. شموخي ما انحجب دون السماء بظلال=واذا حاول بشر يكسر شموخي.. قلت له : بدري!!
يا انا جيلي .. بعد جيلي .. ولكني رجعت اجيال=ولكن للأسف .. ما به على كبري .. ومن عصري!
يا انا جيلي .. قبل جيلي .. ولكني مشيت اميال=ولكن للأسف .. ما به بشر فيهم .. على كبري !
فقدت ارجال .. لا والله عقول ٍ .. من وراها ارجال=دفنت اللي يموت بداخلي .. في مقبرة قصري !
ولكني .. رغم ذلك .. ما اقابل واقعي .. باهمال=ابرهن ما حدث .. وارسم تحياتي .. على سطري
واذا طال الرحيل .. ولا كسبت من الفرح مثقال=حسافة يا ( صدى ) .. كان ابتديت اضحك .. ومن عذري!
امانة يا صدى صوتي .. معك حلمي .. وشرح الحال=تزور اغلى الاماكن .. مع نهاية .. عامها الهجري
وامانة يا صدى صوتي .. لا شح اقسى الزمن ..بوصال=ابي .. لو حفنة ٍ من رملها .. ترمى وسط قبري !![/POEM]

 

[أحمد الحربي]

يا أول الغيّاب ..
ما تذكر اني قلت لك مرة وانا افتح باب ،
صدري .. لغيماتك
انك مطر روحي ..
و لو غبت عن روحي ..
للموت .. ابلقى اسباب

يا آخر الغيّاب ..
جففني غْيابك
أمسيت عشب وطل ..
واصبحت حزن اخشاب.

يا أول وآخر
غيّابي الأحباب
ان كان ما تقدر
تسكب في قلبي الما
أرجوك لاتْباغت
ضعفي بغبا حطاب.

عبد الله ناصر العتيبي

 

[أحمد الحربي]

صغار ونعتقد أن المفارق / يالوطن غربة

............... ندوّر عن وطن أسمه ( جنون / وضحكة بنيّه )

مدام الطير يتردى جناحة لا ترك / ..سربة

................ ومدامه ماخذا ( قلبه ) من العالم سوى هيّه

أمانه اعتقه / .. خله / أمانه توب من ذنبه

................ امانه اتركه يرحل مدامه ما نوى ../... الجيّة

وطن لا تلمسه خله /.. وطن لا تحتضن قلبه

............... وربي تحترق كلك لو انك تلمسه ../ .. شويّه

خوي (ن)ما نسى معنى الصداقه لو حضر حبه

............. حبيب (ن) ما نسى ذكر الحبايب لو حضر خيّه

كريم ٍ ما يجي منه سوى ( حاضر او أبشربه )

............ عطوف ٍ من كثر ماهو عطوف /.. احسبه !! ليّه

شجاع ٍ (ن)ناسي ٍ نفسه مدامه ذاكر ٍ ربه

............. صدوق ومن كثر ماهو ../ صدوق ٍ احسبه نيّه

يقولون الوطن تربة ويقول : ان الهوى تربه

........... يقولون : الوطن أنت / ويقول : إن الوطن هيّه

مدامه ناسي ٍانك بلاده .. / .. يالوطن صعبه

............ مدامه ناسي ٍ انك ... ( بلاده ) ... بحضرة بنيّه

بسولف يا وطن عنها وهي اكبر من النسبة

............ ما هي .. 90 او .. 10 تجي .. مليون % 100

تصوّر يا وطن إنك ( تضيق ) وتخنقك كربة

.......... تجي مثل ( الفرج ) تمشي توسع ضيقة ٍ حيّه

تشوف الثلج مع نار الشفايف بينهم صحبة

........... وتشوف العيد وهلاله ( عيون ) بسحر عيديّه

جفول ٍ ناعسه جهرا عذوب ٍ او ترى عذبة

........... غزال بصورة انسانه / .. ملاك بوجه حوريّه

حديقة معشبه وأرض ٍ قليل ان قلت ذي خصبة

........ ملامح جدول / وقارب /وكوخ/ .. وارض ريفيّه

وطن لا تعتقد أن .../ ... السوالف عنها كذبه

........ وربي إنها .. ( كبرك ) أو أكبر منك .. شوية

ثامر الحمدان

 

[أحمد الحربي]

ليله.

في ليله والمطر يسبل...
مطر بلل بحر ليله
ليله من بلل..
والريح مبتله
بها.. حتى الكلام.. ابتل
احس ان الغيوم..
هموم مزن.. طاح
وأحس إن الهموم..
غيوم حزن.. لاح
وأحس إن المطر لو ما يبل قلوبنا
يغسل
شقا الأرواح ..
وأحس الوقت ما يمهل
ولا باقي كثر ما راح ..
وإذا كنتي تحبيني
وتخافين
تعالى نهيم فى دنيا
المطر والغيم ..
ولكنك:
تخافين.. وتخافين.. وتخافين
وعندك شي تخفينه.. !
وأنا أحب المطر
وأنتي تخافينه
ولا أدري وش سبب خوفك ؟
ولا ظني بعد... تدرين!!
تخافين المطر..
لا يبلل ثيابك
تخافين الرعد ..
لا يرعب أحبابك
تخافين أن لمع البرق
ف عيونك ...
بان ما تخفين ..
اب اركض فالمطر .. وابتل
وأذا أرعبك المطر ليله...
أنا أرعبني الجفاف سنين..!!


سعد الحريص

 

[أحمد الحربي]

ستر مايمكنه ....... / ....... كادح يعول من الفقر أرواح


................................. ترك للأخرين من الضّوا ... / .... يالسنبله .... / .... مُــنيا




خرج من ذاكرة إنسى ..... / ..... دخل في ذاكرة ماراح


............................... يحاول في تودد .... / .... لايضيع .... / ...... وتنقلب طريا




حضن كلّه يدينه ...... / ...... والعرق من جلدته فوّاح


............................. تصبب .... / .... في تناغم مستحي ... / .... وإتشكلت رؤيا




ياهذا السِـلم .... / ..... مايسكن حماك إلا ّ كثير أشباح


........................... ( ياهذي ) الأرض ... / ........ ماتـُزرع سهول إلا ّ بعد سقيا




آمات الصمت .. / ... وإسترسل دفن ظلماه بالمصباح


........................... رحل ماكنه مسافر ..... / ..... وصل ... / .... مارتّب اللقيا




يقول الجوع !... ماجعته .. / ...شبعته وإسأل التفاح


.......................... بقى منّه قليله ..... / ...... والكثير .... / .... بجعبة الدنيا




ستر وإلأ سكن ... / .. وإلا بعد ضاعت وراه أرواح


......................... وكـاد ...... / ......... إن الضوا هو الضوا يالسنبله منيا




تركي الحربي