يومــ/ــيات !

[تركي الحربي]

الحُزن
عِنْدما يأتي / يأتي : [ كُلّه ] !

 

[تركي الحربي]

بعض الغياب : حضور وحضور وحضور
ـــــــ وبعض الحضور : غياب وغياب وغياب !

ما يجبر الغيّاب : إلا ّ دفا الــ.. دور
ــــــــ مايكسر الغيّابْ : إلا ّ شِتَا الــ.. بابْ !

ياغصنْ أبو أوراق والسطر عصفور
ــــــــــ ذَوّبتْ نيّة ريحْ " لين " الهوى ذابْ

أخجلتْ وجهْ الشمسْ : وأنصفت بلّورْ
ـــــــــ عندكْ نوافذ : شمعْ : وقماشْ : وأحبابْ

 

[تركي الحربي]

ويستنطقُ القلب بـ حداء

يتقنهُ لـِ :


[ هِيَ ]

 

[تركي الحربي]

ــــــــــــــــ

 

[تركي الحربي]

العنود ناصر بن حميد
وفي [ عالم إفتراضي ] ، تُمْسِكُ بـِ حُقنة وعي ،
وتحقنها بـ [ العقل ] : دايركت !

 

[تركي الحربي]

الصّباح بـِ رفقة فنجان قهوه وسيجاره ،
وجسد لـ التوْ خرج من مُستشفى يجعل نكهة الحياة :

[ أضف الرّد السريع ]

 

[تركي الحربي]

ياعونة الله : مابقى شي بـ الرّوح
ــــ شف كيف كانت أمس : واليـوم كانت !
الضّحك يذبل صَمت وينقّض جروح
ـــ غصن إنتظار / وغيمة الـ عين : خانت
مطر ولا يشبه مطر : طاح وينوح
ــــ نوح الذي بـ / يموت ويقول : هانت
كِن الرموز أشْباح إن مرّت تروح
ــــ صعبه وكانت / بس هـ الوقت لانت
أنا هنا : يمّك هنا : قوول مسموح
ــــ بينك وبينك : كان الـ أقدار حانت

 

[تركي الحربي]

خرّيجة : [ روضة الصفا ] ، هي تغني وأنا أكتب معها ، كلمه / كلمه ، وحرف / حرف


في روضة الصفا فرح ماينقااااااااس
ــــ عشت آآآنا في حُبها أحلى ى ى ى أياااامي


نبي كُل البراااعم يفرحون الناااااس
ــــ شكرت ربي لإنه حقق أحلاااااااااامي


أممممم / أممممممم / أممممممممممممم << هذا أنا كورااااال أردد وراها


إتعودنا عـ الصبر وعلى فعل الخيييييير
ـــ وعرفنا إنّا إنكون على إيد وحددددده

على هذه المحبه كل شي يصييييير
ــــ شكرت ربي لإنننننه حقق أحلاااااااااامي ي ي ي



ساره : خلصييييت هههههههههه هذي نشيدة التخررررج

تركي : كم عمرج ؟

ساره : مدري : [ وجه مستغرب ]

تركي : منو أكثر أبله تحبينها ؟

ساره : أقولك كل أبلاتي

تركي : لا حبيبتي أبي أكثر وحده تحبينها

ساره : أبله إيمان وأبله بدريه وأبله عايده وأبله تهاني ــ بس أكثر وحده أحبها أبله إيمان بس : هي غايبه ــ يبه عندي أغنيه حلوه [ بس نسيتها ]

تركي : شلون أغنيه حلوه ونسيتيها يانصااابه

ساره : ههههههههههههه وقولوا إسم الله / على غزال طب وقولوا إسم الله

تركي : شنو أحلى قصه تحبينها ؟

ساره : ليلى والذييييب

تركي : ليش الذيب أكل جدتها

ساره : لإنه يكرهها

تركي : منو أكثر واحد تحبينه بالدنيا

ساره : بابا هههههههههه ههههه ههههههههه

تركي : ليش تحبين بابا ؟ <<<<< علشان أحرجها

ساره : لإنك تشتري لي عصير وكاكاو وحلويااااات

تركي : شنو يعني : [ شرير ]

ساره : يعني قوي ــ والله

تركي : منو اللي تشوفينه شرير

ساره : باسل

تركي : ليش باسل شرير

ساره : قوي

تركي : طيب أدري جاوبيني ماما

ساره : مدرررري : [ تتثاوب ] ، يبه أنا أعرف : [ قل هو الله أحد ]

تركي : يـ الله إقريها لي حبيبتي

ساره : أقول / أقوول

تركي : إيه ماما

[ تقراها وتنسى بعضها ]

تركي : تسمحين لي أنشر اللقاء هذا في [ أبعاد أدبيه ] طال عمرج

ساره : بابا بابا قول لي قصة

تركي : وافقت فديتها