عُـمــانيـــات..

[جمال الشقصي]

\

العهد والميثاق
/

[poem="font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

بسيطه.. لو توقّعنا بدمعه تنطفي جمره=بسيطه.. صعبه.. تعدّي وصال تكون.. والا فراق
بسيطه مثل ما يحسب من الواحد.. إلى العشره=تهون ولكن الصعبه غرامٍ يتلف المشتاق
طعون الشوق ما ترحم.. تسِمّ اللي نفذ صبره=وسيع البال لو يصبر.. إذا عدّا حدوده ضاق
حزين الدمع.. لو سافر يغيب وينقطِع خُبْرَه=يغيب ويترك الذكرى رسوم تعانق الأحداق
تلاقينا وتجمّعْنا.. ولكن للزمن نظره=تفارقنا وتخالفنا.. على وجهة نظر واذواق
أنا آسف إذا ظنك بعيني هانت العشره=أبد والله ما هانت.. وباقي العهد والميثاق
طيوفك تعصف أفكاري واغضّ بخانق العبره=رياحك ساقت مْزون المحبّه رعْدٍ وبرّاق
كنوف الغيم تتجمّع وتتلاشى بعد فتره=وحبّك ما وقف غيثه.. على مَرّ الزمن ينساق
أشوفك.. والا ما اشوفك.. تلازمني/ وعلى فكره:=كذا تنعم بك عيوني.. وْكذا تحيا بك الأعماق
ولو كان الجفا جمره.. بدمعه تنطفي جمره..=بسيطه.. لكن الصعبه: غرامٍ يتلف المشتاق[/poem]

/

((خديم الريسي))

ص:69
وهج ـ مايو 2008